Руската 17-годишна тенисерка Мира Андреева надомести сет заостанување против светскиот рекет број еден Арина Сабаленка од Белорусија и победи со 2:6, 6:4, 6:3 во финалето на БНП Парибас опен во Индијан Велс и ја освои својата втора последователна титула на ВТА 1000.

Сабаленка влезе во овој финален меч со водство од 4-1 и две победи оваа година, остварени во Бризбејн и на Австралија Опен. Белорусинката беше доминантна и во првиот сет од финалето во Индијан Велс, добивајќи го со 6-2.

 

Но, Андреева се опорави од фрустрирачкиот настап во првиот период од натпреварот. Брејк во третиот гем од вториот сет ѝ беше доволен да го одведе мечот во решавачки сет. Во првите три гема од последниот сет, Андреева уште двапати го одземаше сервисот на Сабаленка и еднаш го загуби воведниот удар, но го задржа водството на 5-3. Со уште еден брејк во деветтиот гем ја освои најголемата титула во кариерата.

Ова беше нејзина 12-та победа во низа, а тие ѝ донесоа две титули на ВТА 1000 турнирите, во Дубаи и Индијан Велс. Бидејќи Андреева во полуфиналето ја победи бранителката на титулата Ига Швјонтек Полска, 17-годишната Русинка стана најмладата тенисерка во последните 40 години на ВТА турнирите која ги победила светскиот рекет број еден и бројот два на ист турнир.

Андреева во Индијан Велс играше како 11. рангирана тенисерка во светот, но од понеделник ќе биде меѓу првите десет, на шестото место на ВТА ранг-листата, што е нејзин нов најдобар пласман во кариерата. И покрај поразот, Арина Сабаленка ќе остане на врвот на ВТА-листата.

globe

Слични новости

Оклахома Сити го победи Милвоки во најинтересниот натпревар од НБА лигата

Оклахома Сити го победи Милвоки во најинтересниот натпревар од НБА лигата

Првопласираниот тим на Западот Оклахома Сити славеше на гостувањето во Милвоки со 121:105 во меч во кој директно играа еден против друг двајца кандидати за МВП титулата сезонава Шеи Гилџес Александар и Јанис Адетокумбо.

Барселона од 0:2 до победа на Метрополитано

Барселона од 0:2 до победа на Метрополитано

Во дербито на 28. коло на шпанското фудбалско првенство, Барселона ја надомести негативата од два гола на мадридскиот стадион „Метрополитано’ и го совлада домашниот тим Атлетико со 4:2