Администрацијата на американскиот претседател Доналд Трамп се подготвува да воведе ограничување на патувањето во САД за граѓани од многу земји како дел од новата забрана, пренесе Ројтерс кој се повикува на интерен меморандум и извори во администрацијата.
Во меморандумот се наведени 41 земја, поделени во три групи. Првата група ги вклучува Авганистан, Иран, Сирија, Куба и Северна Кореја, за кои е предвидено целосно прекинување на издавањето визи. Во втората група се Еритреја, Хаити, Лаос, Мјанмар и Јужен Судан, кои ќе се соочат со делумна суспензија.
Третата група опфаќа 26 земји, вклучувајќи ги Белорусија, Пакистан и Туркменистан кои ќе се соочат со делумна суспензија „доколку нивните влади не преземат чекори да ги решат недостатоците во рок од 60 дена“, се наведува во меморандумот.
Извори во американската администрација велат дека листата на земји сеуште не е официјална, ниту дефинитивна и дека би можело да дојде до промени до конечното одобрение на администрацијата.
Иницијативата за забрана за влез во САД е дел од иницијативата на Трамп за заострување на имиграциската политика на САД.
Слични новости
Тензично во Белград пред големиот студентски протест закажан за 16 часот
Синоќа од разни правци на Србија пристигнуваа студенти кои беа пречекани од Белграѓани кои ги дочекаа на Теразије. Се проценува дека излегоа над 30.000 граѓани да ги дочекаат студентите
Трамп ги опиша разговорите со Путин продуктивни, Зеленски вели дека Русија е во застој
Американскиот претседател Доналд Трамп во петокот рече дека има „многу добри шанси“ да се стави крај на руско-украинската војна по „продуктивната“ дискусија со рускиот претседател Владимир Путин, додека украинскиот лидер Володимир Зеленски ја обвини Москва дека само „го комплицира и го одложува процесот“ со поставување услови за прекин на огнот
Политико: Португалија се откажа од купување авиони Ф-35 заради политиката на Трамп
Португалија реши да не ги заменува своите борбени авиони Ф-16 со модерните Ф-35 модели затоа што ситуацијата со претседателот на САД Доналд Трамп доведе до несигурност во врска со односите на Америка и нејзините сојузници