Американскиот претседател Доналд Трамп во средата одобри едномесечно ослободување од новите царини на увозот од Мексико и Канада за американските производители на автомобили, соопшти во средата Белата куќа.
Оваа одлука дојде откако Трамп разговараше со лидерите на „големите три“ производители на автомобили „Ford“, „General Motors“ и „Stellantis“, објавија медиумите.
Портпаролката на Белата куќа рече дека американскиот претседател им рекол на извршните директори на овие компании дека треба да го преселат производството во САД од Канада и Мексико.
Трамп е отворен и за дискусии за други производи кои би можеле да бидат ослободени од тарифите кои стапија на сила во вторникот, додаде Белата куќа.
Но, тој исто така јасно стави до знаење дека тоа не значи крај на трговската војна со Канада и Мексико, бидејќи врши притисок врз двете земји да го спречат шверцот со фентанил.
По телефонскиот разговор со канадскиот премиер Џастин Трудо, Трамп рече дека не е убеден дека ситуацијата е подобрена.
Тарифите на Трамп претставуваат големи потешкотии за производителите на автомобили, кои произведуваат компоненти за возила во сите три земји и честопати испраќаат делови преку границите повеќе пати, бидејќи тие се вградени во системите и готови возила.
Царините на Трамп се закануваат сериозно да ги оштетат односите меѓу трите трговски партнери. Канада возврати со сопствени тарифи на избраниот увоз од САД, додека Мексико исто така вети дека ќе возврати.
Слични новости
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада
Руски извори се скептични за американскиот предлог за 30-дневен прекин на огнот
Руски извори реагираа претпазливо на предлогот на САД за 30-дневен прекин на огнот што Киев го поддржа во средата, велејќи дека секој договор за ставање крај на војната во Украина треба да го земе предвид напредокот на Русија и да одговори на загриженоста на Москва
Поранешниот грузиски претседател Саакашвили осуден на нови 9 години затвор
Поранешниот грузиски претседател Михаил Саакашвили во средата беше осуден на уште девет години затвор, откако беше прогласен за виновен за проневера