Претседателот на Америка Доналд Трамп нареди прекин на воената помош за Украина, откако во петокот дојде до вербален судир меѓу него и украинскиот претседател Владимир Зеленски во Белата куќа, објави Си Ен Ен, повикувајќи се на извори во Белата куќа.
Како што наведуваат изворите, помошта за Украина ќе биде запрена се додека претседателот Трамп не биде сигурен дека Зеленски е подготвен да разговара за мир. Прекинот на воена помош се однесува на целата воена опрема која сеуште нема пристигнато во Украина.
Аналитичарите оценуваат дека прекинот на американската воена помош, која уследи по серијата состаноци на Трамп со највисоките службеници на администрацијата за национална безбедност, сериозно би можела да влијае на способноста на Украина да се бори.
„Влијанието на прекинот на помошта ќе биде големо. Би го нарекол парализирачко“, изјави Марк Канчијан, советник од Центарот за меѓународни и стратегиски студии, кој ја следи војната во Украина.
Тој смета дека Киев ќе почне да ги чувствува последиците од прекинот на воената помош од САД за два до четири месеци, бидејќи помошта од Европа во моментов му помага на Киев да ја продолжи борбата.
Белата куќа донесе одлука да прекине со воената помош се додека не добие извинување од Зеленски, а државниот секретар Марк Рубио го повика украинскиот претседател јавно да се извини за своето однесување.
Европските лидери ја критикуваат оваа одлука на САД која сметаат дека е погрешна.
Слични новости
Канада им возвраќа на САД со царини од 29,8 милијарди долари
Канада ќе им воведе на САД царини во вредност од 29,8 милијарди канадски долари почнувајќи од четврток наутро како одговор на царините што ги воведе Вашингтон за челик и алуминиум, изјави канадскиот министер за финансии Доминик Лебланк
Трамп добил „позитивни пораки“ од Москва за примирјето во Украина
Американскиот претседател Доналд Трамп во средата изјави дека американски официјални претставници се упатуваат во Русија на разговори за американско-украинскиот договор за 30-дневен прекин на огнот и за патот кон мировните преговори
На самитот на Г7 нема да разговара за американското „преземање“ на Канада, вели Рубио
Американскиот државен секретар Марко Рубио во средата изјави дека на состанокот на министрите за надворешни работи на земјите од групата Г7, планиран да се одржи во четврток во Канада, нема да се разговара за „преземањето на Канада“ од страна на САД, како што повеќепати споменуваше американскиот претседател Доналд Трамп