На 11 март се очекува да се одржи собраниската седница на која на дневен ред ќе бидат интерпелациите за петмината членови на Судскиот совет.
За ова, меѓу другото било разговарано на денешната понеделничка редовна средба на претседателот на Собранието Африм Гаши со координаторите на пратеничките групи. На собраниската вебстраница седницата сè уште не е закажана.
Интерпелациите ги поднесе владејачкото мнозинство со потписи од 67 пратеници. Се однесуваат на членовите на Судскиот совет избрани од Собранието и тоа на Весна Дамева, Тања Чачарова Илиевска, Павлина Црвенковска, Миљазим Мустафа и на Селим Адеми.
Претседателот на Собранието Африм Гаши на брифинг во петокот рече дека петмината членови на Советот доставиле свои одговори на наводите во интерпелациите.
Изгласаните интерпелации нема да значат и смена на членовите на Советот, но ќе бидат силен знак да поднесат оставки.
Слични новости
Агелер: Внимателно ги следиме процедурите во Собранието во врска со изгласаните интерпелации за петте членови на Судскиот совет
Многу внимателно ги следиме процедурите во Собранието и изјавите во врска изгласаните интерпелации за петте членови на Судскиот совет, посочи денеска амбасадорката на САД, Анџела Агелер
Членството во НАТО е најголемиот придонес за нашата безбедност, активно придонесуваме во дискусиите и носењето одлуки
Ние не сме повеќе објект во геополитичките дискусии, сега сме субјект кој активно придонесува во дискусиите и во носењето на одлуки по сите прашања. Моментално го имаме најголемиот буџет во Министерството за одбрана во овие децении
Уставен суд: Институтот „интерпелација” предвиден во членот 72 од Уставот, во никој случај не се однесува и не може да се примени за уставните судии
Институтот „интерпелација” предвиден во членот 72 од Уставот, во никој случај не се однесува и не може да се примени за уставните судии. Во спротивно, се губи смислата на Уставниот суд и се прави тешка повреда на Уставот од причина што на тој начин се прави упад во четвртата т.н.уставно-судска власт, во самостојноста и во независноста на Уставниот суд, стои во ставот од Уставен.