Слабости во спроведувањето на инспекцискиот надзор во студентските домови и во воспитно-образовните установи, неизвршување на инспекциски надзори од 2019 година и недоволна екипираност во Државниот просветен инспекторат, утврдила направената ревизија во оваа институција.
Недостигот на редовни и вонредни инспекции, кадровските слабости и отсуство на имплементација на препораките од претходните ревизии создаваат ризик за несоодветно функционирање и неисполнување на законските обврски, наведуваат ревизорите.
Од таму посочуваат дека слабостите во спроведувањето на инспекцискиот надзор во студентските домови и воспитно-образовните установи резултира со недоволна контрола врз процесите на прием, сместување и евидентирање на студентите, како и со намалена ефикасност во оценувањето на квалитетот на образовните институции.
Согласно законските одредби, Државниот просветен инспекторат има обврска да врши инспекциски надзор најмалку еднаш годишно во студентските домови и да достави извештај до МОН и Владата во рок од 60 дена по завршување на сместувањето на студентите, но со направената ревизија е утврдено дека последниот инспекциски надзор е извршен во 2019 година, по што не се извршени нови контроли и не се изготвени записници за извршените надзори.
Од друга страна, ДПИ располага со 138 систематизирани работни места, а пополнети се само 100 што значи дека една третина од потребниот кадар не е пополнет. Најизразен недостиг има во Секторот за инспекциски надзор и оценување на квалитетот, каде што недостасуваат просветни инспектори, посебно за подрачјето на општините Охрид, Гостивар, Кавадарци и Ресен, поради пензионирање на просветните инспектори.
Ревизијата утврдила и дека дел од нововработените инспектори не ја завршиле неопходната обука, што носи ризик за грешки и слабости во работењето.
Слични новости
Судењето за убиството на Ѓорчевска и Жежовски продолжува на 17. март
Судењето за убиството на четиринаесетгодишната Вања Ѓорчевска и седумдесетгодишниот велешанец Панче Жежовски продолжува во понеделник откако денеска во Основен кривичен суд Скопје беше сослушан Велибор Манев, еден од обвинетите
Има интензивна дипломатска активност за решавање на прашањето со Бугарија, вели Рокас, ЕУ лидери ќе го посетат Скопје во следните месеци
Постои интензивна дипломатска активност за решавање на прашањето со Бугарија, во таа насока лидери на Европската Унија ќе го посетат Скопје во следните месеци, изјави евроамбасадорот Михалис Рокас, по поставување камен-темелник на македонско-грчкиот граничен премин „Маркова нога“
Мицкоски не очекува криза, но смета дека заканите од ДУИ ќе продолжат со несмален интензитет
Премиерот Христијан Мицкоски не очекува политичка криза во пресрет на локалните избори, но очекува, како што изјави денеска, заканите од страна на ДУИ да продолжат со несмален интензитет.