Русија го поздрави итниот самит за војната во Украина организиран од францускиот претседател Емануел Макрон во понеделникот во Париз.
„Би било добро разговорите меѓу европските челници да бидат за ставање крај на конфликтот, а не за негово продолжување“, изјави портпаролот на Кремљ Дмитриј Песков, цитиран од приватната руска новинска агенција Интерфакс.
Русија постојано тврди дека војната, која ја започна пред речиси три години, се продолжува со испраќање на западно оружје во Украина.
Песков го нарече „тешко“ прашањето за можното распоредување на европски мировни сили во Украина, за кое моментално се разговара во Франција и Велика Британија, бидејќи во него ќе бидат вклучени вооружени сили од земјите-членки на НАТО.
„Постојат правила за такво распоредување. Но, досега немаше конкретни разговори за ова“, нагласи портпаролот на рускиот претседател Владимир Путин.
Британскиот премиер Кир Стармер изјави во неделата дека е подготвен да испрати војници во Украина „доколку се покаже дека е неопходно за да се обезбеди безбедноста на Велика Британија и Европа“.
Меѓутоа, неколку челници на европските земји рекоа дека е премногу рано да се разговара за таква одлука. Некои, пак, како Германија, Полска и Шведска, изразија подготвеност да испратат свои војници во Укрина откако ќе биде постигнат мировен договор.
Слични новости
Крајно десните европски политичари на конференција за антисемитизмот во Ерусалим
Израелскиот премиер Бенјамин Нетанјаху предупреди во четвртокот на „пожари на антисемитизмот“ во Западна Европа на конференцијата која беше засенета од бојкотот на неколку еврејски говорници поради присуството на десничарски и крајно десничарски европски политичари
Путин ги нарече „сериозни“ плановите на Трамп да ја преземе контролата врз Гренланд
Рускиот претседател Владимир Путин во четвртокот ги опиша плановите на неговиот американски колега Доналд Трамп да ја преземе контролата врз Гренланд како „сериозни“, изразувајќи загриженост дека Арктикот може да се претвори во „отскочна даска за можни конфликти“
Зеленски: Русија ја погоди енергетската инфраструктура, САД треба да реагираат
Украинскиот претседател Володимир Зеленски изјави во четвртокот дека руската артилерија ја оштетила украинската енергетска инфраструктура во градот Херсон, два дена откако САД објавија дека двете страни се согласиле на прекин на огнот на енергетските капацитети