Италијанското државно обвинителство покрена истрага за да утврди дали „Amazon“ ја дели одговорноста за неплаќањето на данокот за додаден вредност (ДДВ) за онлајн продажбата, со што државниот буџет е лишен од приход во изност од 1,2 милијарди евра.
Обвинителството во Милано и даночната полиција од петокот истражуваат тројца менаџери и европскиот огранок на „Amazon“, со седиште во Луксембург, за можна даночна измама при онлајн продажбата во Италија меѓу 2019 и 2021 година, соопштија за медиумите извори запознаени со темата.
Земајќи ги предвид казните и каматите, вкупната сметка на „Amazon“ може да порасне на три милијарди евра.
Според изворите, алгоритмот на „Amazon“ им овозможува на продавачите надвор од ЕУ, главно Кинези, да продаваат стоки во Италија без да го откријат нивниот идентитет, што им овозможува да избегнат плаќање данок на додадена вредност (ДДВ).
Според италијанскиот закон, посредникот чија онлајн платформа за тргување ја користи продавачот што не е член на ЕУ е одговорен и за неплаќањето ДДВ.
Од „Amazon“ не одговориле веднаш на барањето на Reuters за коментар за истрагата
Во јули минатата година, италијанската финансиска полиција превентивно заплени околу 121 милион евра од италијанската филијала на „Amazon“ врз основа на истрагата на државното обвинителство за можна даночна измама и експлоатација на работниците.
Слични новости
Германскиот производител на оружје го престигна VW по пазарна капитализација
Најголемиот европски производител на оружје „Rheinmetall“ го престигна водечкиот европски производител на автомобили „Volkswagen“ (VW) по пазарна капитализација во четвртокот на бранот побарувачка за акции во компаниите во секторот, предизвикан од најавата за повисоки трошоци за одбраната во Европа
Нафтата поевтини кон 70 долари
Цените на нафтата паднаа до 70 долари на меѓународните пазари во четвртокот, бидејќи инвеститорите беа преокупирани со најавите за нови царини, засенувајќи ги знаците за поголема побарувачка во САД
Трамп се закани со царини од 200 отсто за алкохолите, ако ЕУ не ги укине царините за виски
Американскиот претседател Доналд Трамп во четвртокот изјави дека ќе воведе царини од 200 отсто за сите вина и други алкохолни производи од Европската унија, доколку Унијата не ги укине царините за американското виски