Фудбалерот на Баерн Минхен, Џамал Мусиала го продолжи договорот со клубот до летото 2030 година, соопштија од минхенскиот клуб.
Детали за продолжувањето на соработката не се соопштени, но германските медиуми наведуваат двојна трансфер клаузула од 175 милиони евра две години пред истекот на договорот и 100 милиони евра една година претходно.
Дваесет иедногодишниот офанзивен играч за врска ќе добие и зголемување на платата што сега ќе биде на ниво на англискиот напаѓач Хари Кејн, што значи околу 25 милиони евра во однос на претходните девет милиони.
„Баерн е еден од најголемите клубови во светот. Првите фудбалски чекори ги направив овде и уверен сум дека можам да постигнам големи работи со клубот во наредните години“, изјави Мусиала.
Баерн е моментално на првото место во Бундеслигата, со осум бода повеќе од второпласираниот Баер Леверкузен.
Слични новости
Оклахома Сити го победи Милвоки во најинтересниот натпревар од НБА лигата
Првопласираниот тим на Западот Оклахома Сити славеше на гостувањето во Милвоки со 121:105 во меч во кој директно играа еден против друг двајца кандидати за МВП титулата сезонава Шеи Гилџес Александар и Јанис Адетокумбо.
Британскиот тенисер Џек Дрејпер го освои Матерсот во Индијан Велс
Британскиот тенисер Џек Драјпер го освои Мастерс турнирот во Индијан Велс откако во финалето го совлада Данецот Холгер Руне. Дрејпер славеше убедливо со 2:0 во сетови ( 6:2, 6:2) во меч што траеше само 70 минути.
Барселона од 0:2 до победа на Метрополитано
Во дербито на 28. коло на шпанското фудбалско првенство, Барселона ја надомести негативата од два гола на мадридскиот стадион „Метрополитано’ и го совлада домашниот тим Атлетико со 4:2