Собранието во четвртокот усвои повеќе предлози на закони за изменување и дополнување како што се измени и дополнување на Законот за работни односи, по скратена постапка, измени и дополнувања на Законот за еднакви можности на жените и мажите и измени и дополнувања на Законот за девизното работење.
Со измените на Законот за работни односи, лицата избрани или именувани од надлежен орган можат да продолжат да ја вршат својата функција и по исполнување на условите за старосна пензија, но најмногу до 67 години. Според предлагачите, пратеници од ВМРО-ДПМНЕ, со измените се очекува креирање на можност за брзо и времено надминување на проблемот со дефицитот на судии и јавни обвинители и консеквентно на тоа подобрување на ефикасноста на судските постапки, како и пристапот до правда за граѓаните. За опозицијата, предлогот е противуставен и спротивен на начелото на еднаквост.
Пратениците, исто така, денеска ги изгласаа и предлог измените и дополнувањата на Законот за девизното работење, Законот за регистрирање на готовински плаќања, Законот за финансирање на единиците на локалната самоуправа, Законот за банките, Законот за финансиската инспекција во јавниот сектор и Законот за спречување и заштита од насилство врз жените и семејното насилство.
Измените и дополнувањата на Законот за урбанистичко планирање, Законот за поштенските услуги и Законот за управување со конфискуван имот, имотна корист и одземени предмети во кривична и прекршочна постапка, беа изгласани по скратена постапка.
Собранието дополнително ќе се произнесе за Предлог законот за изменување и дополнување на Законот за Народниот правобранител и Предлог законот за изменување и дополнување на Законот за слободен пристап до информации од јавен карактер, кои се, исто така, по скратена постапка.
Повеќе пратеници на денешната седница го искоментираа членот со кој Народниот правобранител може да се разреши ако не е во можност да ги извршува своите должност подолго од шест месеци поради болест и други оправдани причини. Според пратениците Талат Џафери, Фатмир Битиќи и Соња Мираковска, тоа е основ за дискриминација и е недзволиво. Пратениците од ВМРО-ДПМНЕ, во реплика одговорија дека сметаат дека се манипулира со реакциите, односно дека тоа не е намерата на измените.
Собранието денеска ги усвои и даде на второ читање и Предлог на закон за изменување на Законот за складирање и заштита од запални течности и гасови, Предлог на закон за изменување и дополнување на Законот за патните исправи на државјаните на Република Северна Македонија, Предлог на закон за изменување на Законот за меѓународна и привремена заштита и Предлог на закон за изменување и дополнување на Законот за технолошки индустриски развојни зони.
По тричасовната работа, 34. Седница на Собрание на Република Северна Македонија беше прекината, а за точките кои останаа необработени заменик-претседателот на Собранието, Антониjо Милошоски, соопшти дека ќе известат дополнителнo.
Слични новости
Агелер: Внимателно ги следиме процедурите во Собранието во врска со изгласаните интерпелации за петте членови на Судскиот совет
Многу внимателно ги следиме процедурите во Собранието и изјавите во врска изгласаните интерпелации за петте членови на Судскиот совет, посочи денеска амбасадорката на САД, Анџела Агелер
Членството во НАТО е најголемиот придонес за нашата безбедност, активно придонесуваме во дискусиите и носењето одлуки
Ние не сме повеќе објект во геополитичките дискусии, сега сме субјект кој активно придонесува во дискусиите и во носењето на одлуки по сите прашања. Моментално го имаме најголемиот буџет во Министерството за одбрана во овие децении
Уставен суд: Институтот „интерпелација” предвиден во членот 72 од Уставот, во никој случај не се однесува и не може да се примени за уставните судии
Институтот „интерпелација” предвиден во членот 72 од Уставот, во никој случај не се однесува и не може да се примени за уставните судии. Во спротивно, се губи смислата на Уставниот суд и се прави тешка повреда на Уставот од причина што на тој начин се прави упад во четвртата т.н.уставно-судска власт, во самостојноста и во независноста на Уставниот суд, стои во ставот од Уставен.