Американскиот секретар за одбрана Пит Хегсет во средата изјави дека враќањето на Украина на нејзините граници од пред 2014 година не е реално и дека администрацијата на претседателот Доналд Трамп не го гледа членството на Украина во НАТО како дел од решението за војната против Русија.
Говорејќи на состанокот на воените сојузници на Украина во седиштето на НАТО во Брисел, Хегсет на најдиректен начин го претстави пристапот на новата американска администрација кон речиси тригодишната војна во Украина.
Тој, исто такам, рече дека земјите-членки на НАТО ќе мора да ги зголемат трошоците за одбрана за да преземат поголема одговорност за европската безбедност.
„Ние, како и вие, сакаме суверена и просперитетна Украина. Но, прво мора да признаеме дека враќањето на Украина на нејзините граници од пред 2014 година не е реална цел“, рече Хегсет на состанокот на повеќе од 40 земји кои ја помагаат Украина.
„Остварувањето на оваа илузорна цел само ќе ја продолжи војната и ќе предизвика нови страдања“, додаде шефот на Пентагон
Русија го анектираше Крим во март 2014 година, а потоа ги поддржа проруските сепаратисти во источна Украина во вооружениот бунт против Киев.
Москва моментално контролира околу 20 отсто од украинската територија, најмногу на исток и југ.
Хегсет рече дека трајниот мир бара „цврсти безбедносни гаранции за да не започне повторно војна“.
„САД не веруваат дека членството на Украина во НАТО е реален исход на решение преку преговори“, нагласи тој. Наместо тоа, безбедносните гаранции треба да бидат поддржани од „способни европски и неевропски сили“, додаде.
„Доколку овие војници во одреден момент бидат распоредени во Украина како мировници, тие треба да бидат распоредени како дел од мисија што не е во рамките на НАТО, а не да бидат опфатени со член 5“, рече тој, мислејќи на членот за заемна одбрана на НАТО.
Европа треба да обезбеди „огромно“ мнозинство од идната помош за Украина, рече Хегсет, истакнувајќи дека САД повеќе нема да толерираат „неурамнотежени односи“ во НАТО.
„САД остануваат посветени на Организацијата на Северноатлантскиот договор и одбранбеното партнерство со Европа. Но, САД повеќе нема да толерираат неурамнотежен однос што поттикнува зависност“, рече американскиот секретар за одбрана на отворањето на состанокот на контакт групата која ја координира воената помош за Украина.
Слични новости
Студентите на УКИМ неделава ќе организираат собири за жртвите во пожарот, од Ректоратот имаат дозвола за прекин на наставата
Студентите и професорите на Скопскиот универзитет денеска и во текот на целата недела ќе присуствуваат на организирани собири – Заеднички час, што точно напладне ќе се одржуваат на различни кампуси на УКИМ, за да изразат почит на жртвите во пожарот на концертот во Кочани и поддршка на нивните семејства. Првиот заеднички час е денеска од 12 часот на кампусот на факултетите од општествените науки
Поведена постапка против 11 лица, за 8 веќе е поднесен предлог за краткотраен притвор
Обвинителството во понеделникот доцна вечерта соопшти дека се поведува постапка на проверки за вкупно 11 лица во врска со трагичната несреќа што се случи во дискотека во Кочани. Од нив, за осум лица веќе е поднесен предлог за краткотраен притвор, а за останатите тројца кои се хоспитализирани и во потешка здравствена состојба, постапката ќе продолжи дополнително
Се бара краткотраен притвор за 10 лица, во дискотеката немало доволно ПП апарати и не е склучен писмен договор меѓу организаторот и групата
авното обвинителство ќе бара краткотраен притвор за десет лица, за кои во текот на денешниот ден се обезбедени докази за евентуална одговорност за синоќешниот пожар во ноќниот клуб во Кочани, информираше вечерва jавниот обвинител Љупчо Коцевски и обвинителите од тимот што постапуваат на случајот.