Можна поплава на канализација предизвикана од „големо затнување“ во канализацискиот систем ги принуди организаторите на концертот на Брајан Адамс во Австралија да го откажат настанот.
Канадскиот кантавтор во неделата вечерта беше жртва на истекување на отпадни води во градот Перт, во сојузната држава Западна Австралија, „поради ризикот од прелевање на отпадните води во тоалетите на местото на концертот“, соопшти локалното водоводно претпријатие.
„Нашите тимови работат на отстранување на големо затнување од маснотии“, се вели во соопштението на компанијата пред концертот, но потоа објави дека затнувањето „не може лесно да се санира“ и дека организаторот донел „исклучително тешка одлука да го откаже концертот на Брајан Адамс“.
„Се разгледуваа алтернативни мерки, вклучително и употреба на цистерни, но количеството на отпадна вода што би ја произведувала публика од 16.000 луѓе во салата се смета за преголема“, се вели во соопштението.
Промоторот на концертот Frontier Touring наведе дека откажувањето на концертот е „разочарувачки“, но надвор од контрола на Адамс и дека парите за влезниците автоматски ќе бидат вратени.
Слични новости
Космонаутите на НАСА се вратија на Земјата по девет месеци на веселенска станица
Космонаутите на НАСА Суни Вилијамс и Буч Вилмор, кои го привлекоа меѓународното внимание кога нивниот планиран осумдневен боравок во вселената прерасна во мисија која траеше повеќе од девет месеци, конечно се вратија на Земјата.
Трамп организирал вечера на која гостите морале да платат по милион долари од човек
Вечерата е одржана истиот викенд кога во Плам Бич е одржана манифестацијата „Палм Евент“ посветена на мото-трките. На тој настан се претставени луксузни автомобили, меѓу кои се најдоа „Ролс-Ројс“ „Бугати’ и „Ламборгини“, кои беа изложени на тревникот на клубот Мар-а-Лаго.
Џенет МекТир во кастот на серијата Мобленд на Гај Ричи
Серијата која ќе почне со емитување на 30 март на Парамаунт плус ја предводи импозантен каст кои го предводат Том Харди, Пирс Броснан и Хелен Мирен.