Канцеларот Олаф Шолц од Социјалдемократската партија на Германија (SPD) и кандидатот за канцелар на Христијанско-демократската партија (CDU) Фридрих Мерц се соочија во неделата вечерта, две седмици пред предвремените парламентарни избори, во телевизиски дуел на кој миграциската политика беше главна тема на разговор.
„За време на вашата влада, повеќе од два милиона нерегуларни имигранти емигрирале во Германија. Тоа е повеќе отколку што Хамбург има жители“, му рече кандидатот за канцелар на CDU/CSU на сегашниот канцелар Олаф Шолц.
Мерц го обвини Шолц дека рекол дека откако ја презеде функцијата канцелар, десничарската противдоселеничката Алтернатива за Германија (AfD) двојно ја зголеми популарноста.
„Во 2021 година AfD ја избраа 10 отсто од граѓаните. Сега AfD има 20 отсто поддршка“, рече Мерц, тврдејќи дека тоа е последица од погрешната миграциска политика на владата на Олаф Шолц.
Шолц, кој, според политичките коментатори, изгледаше поемотивно и поагресивно од вообичаено во неговите јавни настапи, го обвини Мерц за кршење на табуата и обид за соработка со радикалните партии како AfD.
Шолц алудираше на минатонеделните седници на Бундестагот на кои Унијата CDU/CSU предложи неколку закони за ограничување на имиграцијата, земајќи ги предвид гласовите на пратениците на AfD, кои во некои делови се сметаат за десничарски екстремисти.
Мерц ги отфрли обвинувањата дека соработува со AfD и уште еднаш отфрли каква и да е форма на соработка со десницата по изборите.
„AfD е сериозна закана за нашата демократија“, рече Мерц.
По изборите, на кои според сегашните испитувања на јавното мислење, победник треба да излезе Унијата CDU/CSU, тој им понуди разговори и на SPD и на партијата на Зелените.
Претседателот на Христијанско-демократската унија (CDU) Мерц изјави дека негова задача по изборите е да го спречи зајакнувањето на AfD, но во исто време рече дека владата што ќе ја предводи „нема да спроведува левичарски политики“.
На надворешнополитичкиот план, и Шолц и Мерц се залагаат за јасна и недвосмислена реакција во случај американскиот претседател Доналд Трамп да воведе казнени царини за Германија.
„Можеме да реагираме во рок од еден час“, рече Шолц, одговарајќи на прашањето дали Германија има подготвен список на производи на кои може да воведе реципрочни царини.
И двајцата го критикуваа предлогот на Доналд Трамп за преселување на жителите на Појасот Газа. „Тоа е скандалозна изјава“, рече Шолц.
По прашањето на новото задолжување, кое доведе до колапс на социјалдемократско-зелено-либералната влада на Олаф Шолц, и двајцата кандидати се изјаснија за ново задолжување, особено ако тоа се користи за зајакнување на економијата која се бори со тешкотии.
Првите оценки по крајот на дуелот не укажуваат на јасен победник, но се истакнува фактот дека Унијата CDU/CSU на Мерц во моментов ја поддржуваат двојно повеќе испитаници од SPD, со 30 отсто од гласовите.
За една седмица Шолц и Мерц ќе се соочат на приватната телевизиска станица RTL/ntv, по што ќе следи дуел на телевизиската станица на дневниот весник Bild.
Слични новости
Израел ги интензивира нападите врз Газа за да го принуди Хамас да ги ослободи заложниците
Израелскиот министер за одбрана Израел Кац изјави во петокот дека израелската војска ги интензивира нападите врз Појасот Газа од воздух, копно и море за да изврши притисок врз Хамас да ги ослободи преостанатите заложници
Отворена истражна постапка против 27 физички и три правни лица во врска со пожарот во Кочани
Основното јавно обвинителство Кочани во текот на ноќта донесе Наредба за спроведување истражна постапка против 27 физички и три правни лица во врска со катастрофалниот пожар во Кочани, информираат од Јавното обвинителство на РСМ. Деталите за истрагата, осомничените и предложените мерки за обезбедување, како што е најавено, ќе бидат соопштени денеска напладне на прес-конференција пред зградата на ОЈО Кочани
Нови приведувања за пожарот во Кочани, состојбата на повредените стабилна
Активностите на полицијата и на Обвинителството за истрагата за пожарот во Кочани во кој починаа 59 млади лица, а 178 се повредени, продолжија продлжија синоќа со акција за приведување на лица за кои постои сомнение за инволвираност. Според првичните информации, приведени се поранешните градоначалници на Кочани, Николчо Илиев и Ратко Димитровски и градоначалникот во оставка Љупчо Папазов