Турски Фенербахче на својот паркет го совлада шпанскиот претставник Реал Мадрид со 78:67 (16:16, 24:12, 18:19, 20:20). Тоа беше втор натпревар на „Кралскиот клуб“ во Истанбул за три дена, во кој гостите претрпеа нов пораз. Во вторникот беа поразени од Анадолу Ефес со 73:79 во европскиот дел на турската метропола, за два дена подоцна да претрпат уште еден, поубедлив пораз во азискиот дел.
Најџел Хејс-Дејвис беше најдобар кај Фенер со 20 поени и седум скока, а го следеше Ерик МекКолум со 19 поени. Реал имаше само еден играч со двоцифрен учинок, а тоа беше Факундо Кампацо со 11 поени.
Фенербахче е на второто место на табелата со скор 17-8, додека водечкиот Олимпијакос има една победа повеќе (18-7). Реал Мадрид е на 11-та позиција со скор 13-13.
Кошаркарите на Црвена ѕвезда гостуваа во Алба во Берлин во рамките на 25. коло на Евролигата и во тензична завршница сепак успеаја да ја одржат малата предност и да триумфират со 71:77 (13:15, 22:25, 20:19, 16:18). Најдобар играч кај победничкиот тим беше Филип Петрушев со 17 поени, додека Исаја Кенан постигна 11. Од друга страна, Дејвид Мекормак се истакна со 18 поени и 11 скока „дабл-дабл“ остварен уште во првото полувреме, но го доби петтиот фаул кон крајот на третата четвртина.
Црвена ѕвезда сега има скор 16-10 и е во многу добра позиција кога е во прашање борбата за плејофот. Алба е заглавена на дното на табелата со скор 4-22.
Кошаркарите на Баерн Минхен ја постигнаа четвртата последователна победа во Евролигата победувајќи го францускиот Асвел со 76:67 пред своите гледачи во четвртокот. Андреас Обст постигна 15 поени за победниците, додека Карсен Едвардс имаше 14 поени и шест асистенции. Кај гостите најдобри беа Парис Ли со 14 поени и Жофри Ловерњ со 12.
Баерн е на шестото место со скор 16-10, а Асвел е на 14-то место со 11-15.
Нешто подоцна, кошаркарите на Милан го совладаа Жалгирис на гостински терен во Каунас со 89:87. Најдобри играчи на Милан беа Зак Ледеј со 26, Николо Манион со 21 и Шевон Шилдс со 17 поени.
Панатинаикос оствари многу важна победа откако во вистинска НБА пресметка го совлада Анадолу Ефес со 104:89. Блескаше Кендрик Нан со 36 поени, а кај Ефес најдобар беше Дариус Томпсон со 14.
Слични новости
Барселона од 0:2 до победа на Метрополитано
Во дербито на 28. коло на шпанското фудбалско првенство, Барселона ја надомести негативата од два гола на мадридскиот стадион „Метрополитано’ и го совлада домашниот тим Атлетико со 4:2
Андреева преку Сабаленка до најголемиот трофеј во кариерата
Руската 17-годишна тенисерка Мира Андреева надомести сет заостанување против светскиот рекет број еден Арина Сабаленка од Белорусија и победи со 2:6, 6:4, 6:3 во финалето на БНП Парибас опен во Индијан Велс
Антоан Гризман ќе го напушти Атлетико
Најдобриот стрелец во историјата на Атлетико Мадрид, Антоан Гризман по крајот на сезоната ќе го напушти клубо