Граѓанката платформа „Ало инспекторе“ најави нов генерален бојкот на сите производи и услуги ширум Хрватска за овој петок, 7-ми февруари, и еднонеделна блокада на еден малопродажен синџир од сабота.
За тои кој малопродажен трговски синџир потрошувачите ќе го блокираат на седум дена ќе се одлучи врз основа на анкетата објавена од платформата на нејзината веб-страница, која ќе трае до денеска на полноќ.
„Ќе ја затвориме анкетата на полноќ и ќе објавиме во текот на ноќта кој синџир ќе биде предмет на еднонеделен бојкот. Сите синџири ќе дојдат на ред, но некој мора да биде прв“, изјави Јосип Клемен, претседател и портпарол на платформата за потрошувачи „Ало инспекторе“.
Изјави и дека потрошувачите во Србија, Босна и Херцеговина и Македонија, исто така, повторно се приклучуваат на бојкотот, а во тоа се приклучиле и на Косово.
Вечерва завршува еднонеделниот бојкот на три трговски синџири во Хрватска – „Lidl“, „Eurospin“ и „DM“ и три вида производи – кока-кола и други газирани пијалаци, флаширана вода и детергент за миење садови.
Хрватската влада на минатонеделната седница донесе Одлука за директни мерки за контрола на цените на одредени производи и категории производи во трговијата на мало, со која се утврдува список од 70 производи со ограничени цени. На овој начин сака да помогне во заштитата на граѓаните од високите цени во продавниците. Одлуката стапува на сила во петок, 7-ми февруари.
Во меѓувреме, Министерството за економија во средата испрати на јавна консултација предлог Законот за вонредни мерки за контрола на цените на производите, со кој се пропишува начинот на кој трговците ќе известуваат за ограничените цени, како и за строгите казни доколку се прекршат одредбите од законот. Консултациите траат осум дена.
Слични новости
Околу 5.000 лекари и 11.000 медицински кадар ја напуштиле Албанија во изминатите 14 години
За 14 години Албанија ја напуштите околу 5.000 лекари од општа пракса, но и специјалисти по одредена медицинска гранка, како и над 11.000 медицински кадар.
Вучевиќ: Мојата оставка е „неповратен процес“
Српскиот премиер во оставка Милош Вучевиќ изјави во средата дека е прашање на денови кога неговата оставка ќе биде констатирана во Скупштината и истакна дека тоа е „неповратен процес“
Хрватска : Граѓаните повикани да се изјаснат кои од трите трговски синџири сакаат да ги бојкотираат
Организаторот на бојкотот на трговските ланци во Хрватска „Ало инспекторе“ објави анкета со повик до граѓаните да се изјаснат кои три трговски синџири ќе бидат цел на новиот седумдневен бојкот.