Во дербито на колото Панатинаикос го совлада Фенербахче со 91:90. Во интересен меч гостите имаа водство од плус 2 (90:88) на 43 секунди до крајот. Костас Слукас израмни од линијата за слободни фрлања на 11 секунди до крајот. Фенербахче го имаше последниот напад за победа. Сепак, гостите промашија „тројка“, а Пао доби две слободни фрлања на 1,1 секунда до крајот. Кендрик Нан го погоди првиот, а вториот намерно го промаши за седма последователна победа на „зелените“ на арената „ОАКА“. Домаќините ги предводеа Слукас со 23 поени, а Најџел Хејс Дејвис од Фенербахче со 21 поен.
Тимот од Атина (15-10) по некомплетно коло се искачи на петтото место, додека Фенербахче е на второто место со сооднос победи-порази 16-8.
Кошаркарите на Црвена ѕвезда на домашен терен во Белград во вторникот вечерта го совладаа Асвел со 73:66 (19:18, 17:13, 20:17, 17:18) во натпревар од 25. коло на Евролигата.
Сите играчи во тимот на Црвена ѕвезда се впишаа во листата стрелци, а најефикасни беа Ајзеа Кенан со 11 поени, Коди Милер-Мекинтајр со 10 поени, пет асистенции и четири скока и Никола Калиниќ со 10 поени. Во победата придонесе Џоел Боломбој со седум поени и 10 скока.
За Асвел, Тео Маледон постигна 13 поени со шест скока и пет асистенции, а Бенџамин Бентил имаше 12 поени и четири скока. Нандо де Коло додаде девет поени, а Нил Сако и Жофри Ловерњ имаа по осум коша за францускиот тим.
Во 25. коло од Евролигата, кошаркарите на Реал Мадрид загубија на гостувањето кај Анадолу Ефес со 73:79 и покрај одличното издание на Марио Хезоња кој го предводеше Реал со 18 поени и пет скока, но сепак „кралскиот клуб“ го претрпе 12-от пораз. Ефес до 12. победа го предводеа Елајџа Брајант со 21 поен и шест скока и Винсент Поаре со 15 поени и 8 скока.
Жалгирис ја совлада Алба Берлин со 73:53. Игнас Браздеикис го предводеше Жалгирис со 21 поен, додека Јани Вецел беше најефикасен кај германската страна со 10 поени и 10 скока.
Жалгирис е на 13. место со скор 12-13, додека Алба е последна со 4-21.
Слични новости
Манчестер Сити на засилувања потроши шест пати повеќе од водечкиот Ливерпул
За еден месец Манчестер Сити потроши дури 243 милиони евра на засилувања, додека лидерот во Премиер лигата, Ливерпул потроши скромни 42 милиони
Тотенхем го доведе 19 годишниот Матис Тел од Барен Минхен
Во финишот на преодниот рок англискиот премиерлигаш Тотенхем ја комплетираше позајмицата на 19 годишниот Матис Тел од Баерн Минхен.
Тој доаѓа во Тотенхем на позајмица, но со опција да биде откупен за 60 милиони евра.
Насер Џига замина од Ѕвезда во Вулверхемптон
Досегашниот фудбалер на Црвена Ѕвезда Насер Џига потпиша договор со Вулверхемптон до 2030, соопшти англискиот клуб.