Анимираниот филм на Дримворкс Анимејшн и Универзал „Дог Мен“ е на првото место на американскиот Бокс офис со освоени 35 милиони долари. Филмот глобално заработи 40,2 милиони долари, што е повеќе од буџетот за изработка на филмот, кој е спин оф на „Капетан Андерпент“. Во јануари продажбата на кино билети е повисока за 24 насто во однос на минатата година.
На второто место е филмот „Компанион“ на Ворнер Брос научно-фантастичен хорор. Станува збор за скромна продукција која чинеше 10 милиони долари, а во првата недела на Бокс офисот во САД веќе заработи 9,5 милиони долари, додека глобално стигна до 15 милиони долари.
Во филмот играат Софи Тачер и Џек Квејд, децата на Мег Рајан и Денис Квејд, а филмот е во режија на Дру Хенкок.
„Муфаса : Кралот лав“ е сеуште трети, а во неколкуте недели прикажување стигна до импресивна бројка од 653 милиони заработка глобално. „Ризикот од летање“ на Мел Гибсон како режисер со Марк Валберг во главната улога кој минатиот викенд беше прв на Бокс офисот неделава е петти,а досега заработи 25 милиони долари глобално.
Слични новости
И Битлси и Стоунси добитници на Греми
Двата легендарни британски изведувачи во историјата на класичниот рок, Битлси и Ролинг Стоунс, освоија секој по едно признание Греми на 67. американски музички награди во Лос Анџелес
Кање Вест и Бјанка Сенсори исфрлени од Греми наградите поради непристојна облека
Раперот Кање Вест и австралиската манекенка Бјанка Сенсори кои се брачен пар, биле исфрлени од полицијата од овогодинешното доделување на наградите...
Бијонсе и Ламар победници на Греми наградите
Бијонсе имаше 11 номинации за нејзиниот осми студиски албум „Cowboy Carter“ и беше наградена за најдобар албум и најдобар кантри албум