Во Европската унија минатата година е произведено повеќе електрична енергија од сонцето, отколку од јагленот, што аналитичарите го нарекуваат пресврт во транзицијата за користење на чиста енергија. Соларните панели произведоа 11 насто од струјата во ЕУ во 2024, додека електраните на јаглен генерираа 10 насто од струјата, покажуваат податоците на истражувачкиот центар за клима Ембер.
Од гас се произведени 16 проценти од струјата, што претставува пад, веќе петта година по ред. Европската индустријализација ја покрена јагленот, но ова гориво направи најголемо загадување на планетата.
Согорувањето на јаглен во енергетскиот сектор во ЕУ својот врв го достигна во 2003, но оттогаш опадна за 68 насто.
Чистите извори за производство на електрична енергија нагло растат. Енергијата од ветерот и сонцето порасна на 29 насто во производството на електрична енергија во 2024, а хидроенергијата и нуклеарната енергија продолжија да се опоравуваат од најниската вредност во 2022.
Порастот на соларната енергија, најбрзо растечкиот извор на енергија минатата година е забележан поради рекордниот број на нови панели, иако во ЕУ во 2024 имаше помалку сончеви денови отколку минатата година.
Слични новости
Европските берзи во благ пад, тргувањето претпазливо
На европските берзи во средата претпладнето се тргува претпазливо, како и претходните денови, додека инвеститорите ги следат кварталните деловни резултати на компаниите и чекаат вести дали Вашингтон ќе воведе царини за Европската унија
Пад на доларот и нафтата
На валутните пазари вредноста на доларот во однос на кошницата валути остро падна во раното претпладневно тргување во средата
Стравувањата од трговската војна се намалуваат на Волстрит
Берзанските индекси пораснаа на Волстрит во вторникот, бидејќи инвеститорите се надеваа дека Вашингтон ќе постигне договор за заштита на границите со Канада и Мексико и на тој начин да избегне трговска војна