Наоми Гирма официјално e најскапата фудбалерка

 

Американската фудбалерка, 24-годишната Наоми Горма мина од Сан Диего Вејв во лондонски Челзи, соопшти англискиот клуб.

Гирма се пресели од САД на Островот потпишувајќи 4,5-годишен договор со Челзи за отштета од 1,1 милион долари, со што стана најскапата фудбалерка во историјата.

 

Претходниот рекорден износ за трансфер на фудбалерка изнесуваше 862.000 долари, што Беј ФК го плати во февруари 2024 година за пристигнувањето на 24-годишната замбиска репрезентативка Рахеал Кунданањи од Мадрид КФФ.

„Има многу работи за овој клуб кои ме натераа да посакам да дојдам овде – културата, победничкиот менталитет, персоналот и играчите. Тоа е одлична средина за учење и напредување“, изјави Гирма за клупската веб-страница.

Младата Американка важи за една од најдобрите светски дефанзивки.

„Наоми е дефанзивец од светска класа, кој сега влегува во најдобрите години од нејзината кариера“, додаде шефот на женскиот фудбал во лондонскиот клуб Пол Грин.

Гирма забележа 44 настапи за репрезентацијата на САД и постигна два гола. Таа го предводеше американскиот тим до олимпиското злато во Париз минатата година.

globe

Слични новости