ВМРО-ДПМНЕ го охрабрува ЈО да отвори сеопфатна истрага за сите злоупотреби со онколошка терапија

Во реакцијата натаму се вели дека бидејќи секогаш има политичка заштита од структури во СДСМ и ДУИ, една иста веледогерија, злоупотребувајќи ја болеста на луѓето со цел да оствари голем профит и знаејќи дека луѓето и последните пари ќе ги дадат за лек, вештачки креира криза со лекови.

„Мафијата на смртта, на чие чело е една иста веледрогерија и помогната и заштитена од политички структури блиски до СДС и ДУИ, за која човечкиот живот не вреди ништо, 30 години ровари во Онкологија и е виновна за смртта на голем број починати пациенти кои навреме не го добиле соодветниот лек. Го поставуваме прашањето, дали е точно дека веледрогеријата Пановски, блиска до СДС, го уценува со цени македонското здравство? А оваа е истата веледрогерија од каде што Ирина Пановска како директор на една од клиниките при клиничкиот центар во Скопје во време кога министер за здравство беше нивниот близок, Венко Филипче, набавуваше лекови од веледрогеријава каде што татко и, исто така, бил директор“, потенцираат од ВМРО-ДПМНЕ и додаваат:

„Поставуваме уште едно логично прашање, дали е вистина дека оваа вештачки создадена криза е токму поради тоа што треба да се купат скапи лекови токму од Пановски, за кој постојат сомнежи дека се манипулира со цените на лекови? Оттука, бараме и ги повикуваме надлежните институции да покренат сеопфатна истрага за сите злоупотреби кои прават на Клиниката за онкологија со терапиите за болните од рак. Исто така, да се посочат сите одговорни без разлика дали се лидери на партии или поранешни министри, медицински лица или лица дел од фирмите и веледрогериите кои снабдуваат со вакви лекови и се богатат врз здравјето на најтешко болните пациенти“, се наведува.

Покрај тоа, владејачката партија посокува и дека е птребно да се утврди и вистината за наводната тесната поврзаност и политичка и бизнис спрега на поранешниот министер за здравство и актуелен лидер на опозициската СДСМ, Венко Филипче, со влијателни веледрогерии.

ВМРО-ДПМНЕ повикува Јавното обвинителство „да се охрабри и да ги стави на располагање сите свои капацитети за спроведување сеопфатна истрага со цел расчистување и изведување пред лицето на правдата на големите бизнис олигарси кои раководат со мафијата на смртта, која профитира милиони од болеста на луѓето“.