Украинскиот шампион во тешка категорија Олександар Усик ја одбрани светската титула победувајќи го британскиот боксер Тајсон Фјури на поени во Ријад. Украинецот, така, ги задржа појасите на ВБЦ, ВБА и ВБО, а победи со 116-112 при бодувањето на сите тројца судии.
Усик го победи Фјури со одлука на судиите во мај и го додаде светскиот шампионски појас на ВБЦ на појасите на ВБА, ВБО и ИБФ. Така, по четвртина век стана првиот светски шампион во сите големи светски боксерски асоцијации. Последен пат тоа му успеа на Ленокс Луис во 2000 година, а пред тоа легендарните Мухамед Али, Џо Луис и Мајк Тајсон.
Усик го контролираше најголемиот дел од реваншот во Ријад и беше поактивен во 12-те рунди, влегувајќи во борби почесто и со посилни удари. Така, триесет иседумгодишниот Усик остана непоразен по 23 меча, од кои на 14 победи со нокаут, додека Британецот го претрпе вториот пораз во кариерата и двата од Усик.
„Фјури е исклучителен боксер, имаме одлична борба зад нас. Но, јас сум исклучително среќен, зад мене имам серија исклучителни борби и одлична кариера“, изјави Усик.
Фјури по мечот инсистираше дека Усик добил предвремен божикен подарок и ја оспори едногласната победа на Украинецот во поени.
„Почувствував малку божиќен дух и мислам дека доби малку подарок од судиите. Рано божижен подарок“, рече Фјури, кој ја загуби првата борба со Украинецот со поделена одлука на судиите во мај.
„Бев уверен дека победив во таа борба. Мислам дека ги добив двете борби, но дома си одам со два пораза. Секогаш ќе верувам до денот кога ќе умрам дека ја добив таа борба“, додаде Британецот.
Слични новости
Премиер лига: Ливепрул супериорен против Тотенхем, Челзи ремизираше, уште едно понижување за Јунајтед
Ливерпул ја зголеми предноста на врвот на табелата во англиската Премиер лига на четири бода пред второпласираниот Челзи, благодарение на победата со 6:3 (3:1) на гости против Тотенхем Хотспур во голеадата во северен Лондон во последниот натпревар од 17. коло
Бундеслига: Победа на Борусија Д. во Волфсбург, прва првенствена победа на Бохум
Фудбалерите на Борусија Дортмунд во последниот натпревар од 15. коло на германската Бундеслига славеа против Волфсбург со убедливи 3:1
НБА: Маверикс им се реваншираа на Клиперс и без Дончиќ и Ирвинг
Кошаркарите на Далас Маверикс на домашен терен ги победија Лос Анџелес Клиперс со 113:97 и покрај отсуството на најдобрите стрелци на тимот на Лука Дончиќ и Кајри Ирвинг