Во Брисел денеска се одржува самит на лидерите на ЕУ и на земјите од западниот Балкан. На самитот за прв пат ќе претседава претседателот на Европскиот совет Антонио Кошта, а на него ќе учествува и претседателката на Европската комисија Урсула фон дер Лејен.
На самитот треба да учествуваат македонскиот премиер Христијан Мицкоски, српскиот претседател Александар Вучиќ, албанскиот премиер Еди Рама, претседателот на Црна Гора Јаков Милатовиќ, претседателката на Босна Жељка Цвијановиќ и косовската претседателка Вјоса Османи.
Од Европскиот совет истакнуваат дека самитот е прилика за нов замав на стратегиското партнерство на ЕУ и регионот и размена на мислења како регионот заеднички да напредува кон ЕУ.
Главна тема на самитот ќе биде засилувањето на интеграциите меѓу ЕУ и Западниот Балкан низ План на раст, продлабочување на политичкиот ангажман на ЕУ со Западниот Балкан во повеќе области, меѓу кои и надворешната и безбедносната политика, како и соработка во управувањето со миграциите.
На крајот од самитот е предвидена заедничка декларација во која ќе се потврди целосната и недвосмислена посветеност на перспективата на членството на западен Балкан во ЕУ.
Слични новости
КСПС: Одливот на кадар во правосудството е алармантен, има уназадување во перформансот и бројот на решени предмети
Подобрување во јавноста и достапноста на податоци за судењата, но и уназадување во перформансот и бројот на решени предмети. Формална, но не и суштинска транспарентност во работата на Судскиот совет и Советот на јавни обвинители, како и значителен одлив на кадар од судството и јавното обвинителство, покажуваат извештаите на Коалиција „Сите за правично судење“ што беа презентирани на годишната конференција за презентација на анализите за 2024 година.
Домаќинствата од јануари ќе плаќаат за 0,92 отсто поскапа струја
Просечната цена на струјата за домаќинствата од 1 јануари 2025 ќе се зголеми за 0,92 проценти, објави денеска претседателот на Регулаторната комисија за енергетика Марко Бислимоски.
НБРМ: Каматните стапки на благајничките записи и на расположливите депозити се намалуваат за 0,25 п.п.
Оценето дека најновите услови во економијата овозможуваат да се продолжи со постепеното нормализирање на поставеноста на монетарната политика. Оттука, беше одлучено каматната стапка на благајничките записи да се намали за 0,25 п.п., на нивото од 5,55%.