Повеќе од половина од германските граѓани се плашат од радиоактивно зрачење како резултат на вооружени конфликти, покажа истражувањето на јавното мислење на Федералната канцеларија за заштита од радијација (BfS) објавено во вторник.
„Стравот е директно поврзан со војната во Украина“, вели директорката на BfS, Инге Паулини.
Според резултатите од истражувањето, 58 отсто од граѓаните стравуваат од радиоактивно зрачење како последица на нуклеарен конфликт, додека во исто време 57 отсто од анкетираните стравуваат од радијација предизвикана од несреќа во атомска централа.
„Од избувнувањето на војната во Украина во февруари 2022 година, перцепцијата за опасноста од радијација значително се промени. Ова не е поврзано само со стравот од употреба на нуклеарно оружје, туку и со распаѓањето на атомските централи во војната зона, како што е атомската централа во Запорожје“, рече Паулини при објавувањето на резултатите од испитувањето.
Во изборната кампања за предвремените избори што ќе се одржат на крајот на февруари, двете партии од крајниот десен и лев спектар, Алтернатива за Германија (AfD) и Сојузот Захра Вагенкнехт (BSW) ја тематизираат опасноста од нуклеарен конфликт, која според нив се зголемила и поради германската помош за Украина.
Во истото истражување, 22 отсто од граѓаните изјавиле дека се штитат и од негативното зрачење кое доаѓа од мобилните телефони.
Слични новости
Откриен најстариот доказ за христијанството северно од Алпите
Записот се наоѓа на сребрена фолија и се состои од 18 редови испишани на латински јазик, а адтира од периодот меѓу 230 и 260 година од новата ера.
Фолијата била замотана во мала сребрена амајлија. Како што наведуваат германските археолози, артефактот беше пронајден во една гробница од третиот век во градот Хесе, каде што некогаш се наоѓал античкиот римски град Нида.
Ватикан на работ од банкрот
Ватикан, најмалата држава на светот, за своите проходи се потпира врз комбинација на донации и инвестиции. Во 2023 дефицитот на Ватикан изнесуваше 83 милиони евра, што е 5 милиони евра повеќе отколку лани, објавуваат италијанските медиуми.
Елтон Џон прогласен за икона на годината на „Тајм“
Сер Елтон Џон е прогласен за икона на годината на магазинот „Тајм“ за 2024 со што е овековечено неговото шестдецениско патување низ музичката индустрија. Признанието не го одразува само неговото трајно влијание во музиката, туку и придонесот кон филантропијата и активизмот.