Германија им се придружува на САД и Велика Британија во воспоставувањето контакт со сириската HTS

Германија планира во вторник да разговара со претставници на Хајат Тахрир ал-Шам (HTS) во Дамаск, соопшти Министерството за надворешни работи, придружувајќи им се на САД и Велика Британија во контакт со исламистичката џихадистичка група која го предводеше соборувањето на претседателот Башар ал-Асад.

Првите разговори на германските дипломати со претставници на привремената влада назначени од HTS, поранешното сириско крило на глобалната терористичка мрежа Ал Каеда кое сѐ уште е на листата теористички организацииј на ОН, ќе се фокусираат на процесот на транзиција за Сирија и заштитата на малцинствата, изјави портпаролот на германското министерство.

„Се разгледуваат и можностите за дипломатско присуство во Дамаск“, додаде портпаролот во изјавата, повторувајќи дека Берлин внимателно ја следи HTS со оглед на нејзините корени во идеологијата на Ал Каеда.

„Нам ни се чини дека тие досега постапуваа претпазливо“, рече герамскиот портпарол за групата чии членови го предводеа соборувањето на Асад на почетокот на овој месец, завршувајќи ја 13-годишната војна.

Граѓанската војна во Сирија доведе до миграција на милион Сиријци во Германија. Крајот на конфликтот предизвика дебата во европската земја за процедурата за азил, која за Сиријците сега е суспендирана и зависи од проценката на ситуацијата во нивната матична земја.

Германија тесно соработува со партнерите, вклучувајќи ги САД, Франција и Велика Британија, како и арапските држави, кога станува збор за Сирија, изјави портпаролот на германското Министерство за надворешни работи.

globe

Слични новости

Издаден налог за апсење на поранешниот боливиски претседател Евo Моралес

Издаден налог за апсење на поранешниот боливиски претседател Евo Моралес

Обвинителите во Боливија издадоа нагог за апсење против поранешниот претседател на Боливија Ево Моралес кој е обвинет за трговија со луѓе, вклучувајќи и 15 годишно девојче со кое наводно има добиено дете.