Премиерот Еди Рама ќе је предводи албанската делегација, која во вторник (17 декември) ќе престојува во Брисел, за третата Меѓувладина конференција со Европската унија.
„Се очекува оваа група на поглавја да се затвори побрзо во преговорите, и поради тоа што Албанија беше на иста линија со надворешната политика на ЕУ, главно во воведувањето санкции кон Русија по агресијата во Украина или за други прашања поврзани со безбедноста на европскиот континент или нејзината надворешна политика, вклучително и позицијата за конфликтот во појасот Газа“, објави abcnews.al.
Оваа трета Меѓувладина конференција ќе биде втора за време на унгарското претседавање, по онаа што се одржа во Луксембург на 15 октомври, каде Албанија ги отвори петте поглавја, во кои беа вклучени судството и основните права, набавките, статистика, безбедност и финансиска контрола.
Овие ќе се сметаат и за најважните поглавја на патувањето на Албанија кон Европската унија, не само поради политичкиот предизвик туку и поради улогата што ќе ја имаат независните институции, главно од правосудството, во борбата против корупцијата и организираниот криминал, тероризмот, па дури и стандарди кои треба да ги обезбедат агенциите за спроведување на законот.
„Патот на Албанија кон Европската унија, кој беше одобрен во март 2020 година, се покажа успешен, но не без предизвици и тешкотии од страна на Унијата, која долги години ја поврзуваше судбината на Тирана со онаа на Скопје, а само пред два месеца, Албанија се одвои од Северна Македонија“, наведува телевизијата.
Во меѓувреме, иако отворањето на поглавјата за Албанија дојде по долго чекање, премиерот Рама во повеќе наврати изрази оптимизам дека преговарачкиот процес ќе биде завршен во 2027 година, како исполнување на амбицијата на неговата влада дека во 2030 година Албанија да биде членка со целосни права во Европската унија.
Слични новости
Главчев: Бугарија го поддржува приемот на Западниот Балкан во ЕУ доколку се исполнат поставените услови
Конкретно кога станува збор за Северна Македонија, го имаме т.н. компромис од 2022 година, направен од наша страна. Тој е веќе европски (услов), потпишан од сите држави членки на Европската унија, вклучително и од Бугарија како земја членка, плус од Северна Македонија и нема за што да преговараме. Нашата позиција е непроменета, рече Главчев.
Калас: Сакаме да видиме напредок во процесот на проширување на ЕУ
Западниот Балкан е многу важен за Европската Унија, бидејќи тој географски и припаѓа на Европа и затоа е многу важно да ги унапредиме нашите односи, порача високата претставничка на ЕУ за надворешни работи и безбедносна политика Каја Калас при пристигнувањето на Самитот ЕУ-Западен Балкан во Брисел
Кошта: За сите нас проширувањето на ЕУ е приоритет и сме посветени на тоа
Бидејќи припаѓаме на исто европско семејство, делиме континент и што е најважно, заеднички вредности и заедничка историја. Второ, затоа што проширувањето е приоритет за сите нас. Ние веќе сме посветени на проширувањето и сите веруваме дека проширувањето е најважната геополитичка инвестиција во мирот, безбедноста и просперитетот, истакна Кошта.