Цените на европските акции паднаа во вторникот претпладнево, повлекувајќи се од некои од вчерашните добивки додека инвеститорите чекаат нови вести кои би можеле да го насочат пазарот.
Индексот STOXX 600 на водечките европски акции во претпладневниот пресек од тргувањето беше во минус за 0,2 отсто, по вчерашниот раст. Истовремено, лондонскиот FTSE индекс ослабе за 0,47 отсто, на 8.310 поени, додека франкфуртски DAX се лизна за 0,23 отсто, на 20.300 поени, а париски CAC 0,29 отсто, на 7.458 поени.
А на повеќето азиски берзи цените на акциите пораснаа. Индексот MSCI на азиско-пацифичките акции порасна за 0,3 отсто во истиот пресек како и во Европа. Истовремено, индексот Nikkei порасна за 0,5 отсто на берзата во Токио, додека цените на акциите во Шангај и Јужна Кореја пораснаа меѓу 0,6 и 2,4 отсто. Во Австралија и Хонгконг паднаа за околу 0,4 отсто.
Најмногу претпладнево пораснаа цените на акциите во Јужна Кореја, што најмногу се должи на корекцијата по остриот пад минатата седмица. Политичката криза, која минатата седмица ја предизвика претседателот Јун Сук Јеол, кога прво ја воведе а потоа ја укина вонредната состојба, сè уште не е решена, но инвеститорите се надеваат дека ситуацијата наскоро ќе се стабилизира.
Позитивно на берзите има и ветувањето на кинеските власти за нови фискални стимулативни мерки и олабавување на монетарната политика следната година со цел да се забрза економскиот раст.
Сите најнови податоци укажуваат на побавен од очекуваниот раст на втората по големина светска економија и покрај серијата стимулативни мерки на кинеските власти од почетокот на оваа година. Тоа го потврдуваат и податоците објавени утрово за растот на кинескиот извоз во ноември за 6,7 отсто на годишна основа, значително побавен од еден месец претходно и послаб од очекуваното.
Ова укажува на слабост на странската побарувачка, додека на слабост на домашната побарувачка укажуваат податоците за падот на увозот за 3,9 отсто на годишна основа, највисок од крајот на 2023 година.
Слични новости
Продажбата на нови автомобили во ЕУ во ноември падна за два отсто
Продажбата на нови автомобили во Европската унија е намалена за околу два отсто во ноември, покажаа податоците на Европската асоцијација на производители на автомобили (ACEA) во четвртокот
Европските берзи драстично паѓаат по пораките на Fed
Европските акции остро паднаа во четвртокот претпладнето, како и Волстрит претходниот ден, бидејќи американската централна банка соопшти дека планира да го забави темпото на олабавување на монетарната политика
Доларот зајакна, цената на нафтата падна
На валутните пазари во четвртокот во претпладневното тргување вредноста на американскиот долар во однос на кошницата валути силно порасна по пораките на американската централна банка и се приближи до највисокото ниво во последните две години