Сириските бунтовници ги прават првите чекори во транзицијата на власта

Напредокот на сојузот на бунтовничките милици предводен од Хајат Тахрир ал-Шам (HTS), поранешен огранок на Ал Каеда, е голема пресвртница за Блискиот исток. Во граѓанската војна што започна во 2011 година, беа убиени стотици илјади луѓе, беше активирана една од најголемите бегалски кризи на модерното време, градовите беа бомбардирани и во урнатини, селата беа празни, а економијата беше уништена од глобалните санкции.

Но, бунтовничката алијанса не ги соопшти плановите за иднината на Сирија и нема план за таква транзиција во регионот.

Во алармантен развој, Израел ја окупираше тампон зоната на југот на земјата, што беше осудено од Египет, Катар и Саудиска Арабија. Саудиска Арабија рече дека овој потег „ќе ги уништи шансите на Сирија за повторно воспоставување безбедност“.

Регионални безбедносни извори и офицери во сега расформраната сириска армија рекоа дека силните израелски воздушни напади продолжиле врз воени постројки и воздушни бази низ Сирија во текот на ноќта, уништувајќи десетици хеликоптери и борбени авиони, како и средства на Републиканската гарда во и околу Дамаск.По околу 200 израелски воздушни напади, не остана ништо од средствата на сириската армија, велат тие.

Израел соопшти дека неговите воздушни напади ќе траат со денови, но му порача на Советот за безбедност на ОН да не интервенира во сирискиот конфликт. Вели дека презел „ограничени и привремени мерки“ исклучиво за да ја заштити својата безбедност.

Слобода, еднаквост, владеење на правото

Цените на нафтата се зголемија за повеќе од 1 отсто во понеделникот, делумно поради загриженоста дека нестабилноста во Сирија, која не е главен производител на нафта, може да ги зголеми регионалните тензии, велат аналитичарите.

„Ова е неверојатен момент за сирискиот народ“, изјави заменик американскиот амбасадор во ОН, Роберт Вуд во Њујорк. „Сега навистина сме фокусирани на обидот да видиме како ќе се одвива ситуацијата. Дали може да има влада во Сирија која ги почитува правата и достоинството на сирискиот народ?“, додаде.

САД бараат начини да соработуваат со сириските бунтовнички групи и контактираат со партнерите во регионот како Турција чии сили на теренот им дадоа поддршка на бунтовниците во борбите проти војската на владата на Асад за да започнат неформална дипломатија, рече Вашингтон.

Катарските дипломати разговараа со HTS во понеделникот, изјави за Reuters официјален претставник запознаен со развојот н ситуацијата, додека регионалните држави се тркаат за отворање контакт со групата.

Имаше привремени знаци на враќање на редот. Сириските банки повторно се отвораат, а Министерството за нафта ги повика сите вработени во секторот да се вратат на работа во вторник, додавајќи дека ќе се обезбеди заштита.

Новинарите на Reuters видeле четири минибуси како пристигнуваат во сириската централна банка, каде што вработените се симнале и влегле во зградата за нивниот прв работен ден по падот на Асад.

„Ова е нова смена, нов ден, нова година, нов живот“, рекол Сумајра ал-Мукли.

Џолани, и самиот учесник во џихадистичките брутални егзекуции јавни обезгалвувања, вети дека ќе ја обнови Сирија, а сунтиската HTS со години се обидуваше да го ублажи својот имиџ за да ги смири странските земји и малцинските групи во Сирија. Но, стравот од одмазда останува. HTS уверува дека нема да се двоуми да бара одговорност од безбедносните и воените офицери вклучени во наводни мачење на сирискиот народ, опишувајќи ги како криминалци и убијци.

„Ќе објавиме список кој ги вклучува имињата на највисоките функционери вклучени во тортурата на сирискиот народ. Ќе им бидат понудени награди на оние кои даваат информации за високи воени и безбедносни функционери вклучени во воени злосторства“, во соопштение порача Џолани по кого има во распишана амариканска награда од десетина милиони долари.

Многу земји и ОН ја прогласија HTS за терористичка џихадистичка организација и не е јасно како таа ќе владеет.

„Сиријците со нетрпение очекуваат да се воспостави држава на слобода, еднаквост, владеење на правото, демократија и ќе ги здружиме напорите за обнова на нашата земја, за обнова на уништеното и обнова на иднината, подобра иднина на Сирија“, рече сирискиот амбасадор во ОН, во Кусај Алдахак за новинарите.