Германската Зелена партија на партиската конвенција во неделата во Визбаден го избра актуелниот министер за економија Роберт Хабек за главен кандидат на партијата за предвремените парламентарни избори во февруари.
„Сакам да преземам одговорност за граѓаните на Германија и доколку изборниот резултат го дозволи тоа како канцелар“, изјави Роберт Хабек пред членовите на конвенцијата.
Хабек, кој беше избран за главен кандидат на Зелените со 96,5 отсто од делегатите, предупреди на опасноста од формирање на т.н. големата коалиција меѓу моментално опозициската Христијанско-демократска унија CDU/CSU и моментално владејачките социјалдемократи SPD.
„Големата коалиција е симбол на стагнација и oпштествен застој“, изјави кој е министер за економија и енергетика во владата во заминување на социјалдемократот Олаф Шолц.
Хабек призна дека за време на неговиот мандат направил грешка со туркањето на законот за греење, што требаше да доведе до побрза транзиција кон обновливи извори на енергија.
„Тоа е правилен закон, но со многу грешки и јасно е дека како таков беше преголем залак за многу граѓани“, рече Хабек и призна дека овој закон доведе до губење на довербата на граѓаните.
На нивната партиска конвенција што започна во петокот, Зелените го потврдија дуото Франциска Брантнер и Феликс Банашак како партиски лидери.
Зелените се дел од владејачката коалиција на канцеларот Олаф Шолц, која се распадна откако Шолц на 6. ноември го отпушти министерот за финансии Кристијан Линднер од Либерално-демократската партија (FDP).
Предвремените парламентарни избори се закажани за 23. февруари. Според актуелните анкети на јавното мислење, партијата Зелени моментално ја поддржуваат меѓу 10 и 12 отсто од гласачите.
Слични новости
На Мајот стравуваат од „десетици илјади“ можни жртви на циклонот
Три дена откако циклонот Шидо ја погоди француската прекуморска територија во Источна Африка, службите за итни случаи не регистрираа многу повреди, поради што стравуваат од најлошото
Илон Маск и неговата компанија под безбедносни проверки
Воздухопловните сили неодамна ги навеле потенцијалните безбедносни ризици како причина поради која му ускратиле на Маск безбедносен пристап на највисоко ниво
Зеленски: На состанокот во Брисел би можеле да зборуваме за „мировници“ во Украина
Украинскиот претседател Володимир Зеленски во вторникот изјави дека евентуалното распоредување на странски „мировни сили“ во Украина би можело да се разговара на утрешниот состанок на европските челници во Брисел