Еврејска заедница во Република Македонија и Фонд на холокаустот на Евреите од Македонија денеска ја одбележуваат 83-годишнината од депортацијата на 7.144 македонски Евреи во нацистичкиот логор Треблинка за време на Холокаустот.
Претседателката Гордана Сиљановска-Давкова присуствуваше во Меморијалниот и музејски комплекс „Треблинка“ во Полска на комеморацијата посветена на Холокаустот на македонските Евреи. Таа им оддаде почит на жртвите и положи венец пред спомен-обележјето посветено на 7.144 македонски Евреи депортирани од фашистичкиот окупатор во логорот на смртта Треблинка во 1943 година.
Ден претходно, собраниска делегација предводена од потпретседателката на Собрание на Северна Македонија, Весна Бендевска, положи цвеќе на Споменикот на жртвите на холокаустот „Камена Менора“ и на споменикот на Естреја Овадија-Мара во Битола.
Евреите од Битола, Штип и Скопје ноќта меѓу 10 и 11 март 1943 година биле собрани во скопскиот Монопол, од каде во три наврати биле депортирани во логорот Треблинка во окупирана Полска.
Транспортот на Евреите од Македонија започнал на 22 март 1943 година, а до 29 март истата година биле депортирани сите македонски Евреи во Треблинка, од каде никој не се вратил.
Слични новости
Одложен состанокот за камионџиите во Брисел
Одложен е состанокот во Брисел на кој камионџиите во регионот и ЕК требаше да изнајдат начин за решавање на проблемите на професионалните возачи, откако стапија во сила новите правила за престој во Шенген зоната.
Влен смета дека апсењето на Груби ќе му зададе фатален удар на ДУИ
„Артан Груби е учесник и извршител на сите матни зделки на ДУИ. Затоа, Мала Речица се тресе од страв затоа што не знаат што сè е подготвен да прозбори“, наведуваат во соопштението од Вреди.
Груби спроведен во затворот во Шутка, сам ќе биде во келија, објави Телма
Груби е сам во келија и според изјавата на директорот се чекаат инструкции дали тој денеска ќе биде однесен во Јавното Обвинителство.