Швајцарските власти ги идентификуваа сите 40 жртви од пожарот што избувна на новогодишната ноќ во барот „Констеласион“ во одморалиштето Кран-Монтана, а меѓу нив има 20 малолетници.
Меѓу загинатите има 21 државјанин на Швајцарија, едно лице со двојно швајцарско-француско државјанство и 19 странци на возраст од 14 до 39 години, најмногу малолетни, соопшти синоќа полицијата на кантонот Вале.
Меѓу странците има осум Французи, меѓу кои и 15-годишно девојче со француско-израелско-британско државјанство, шест Италијанци, една Белгијка, една Португалка, еден Романец, еден Турчин и еден Србин со двојно швајцарско-српско државјанство, пренесе швајцарскиот весник „Темп“.
Според податоците објавени од федералните швајцарски власти, 35 пациенти со тешки изгореници се префрлени во болници во Франција, Белгија, Германија и Италија.
Италијанските власти вчера соопштија дека телата на петмина од шесте починати Италијанци денеска ќе бидат вратени во земјата.
Слични новости
Синиша Каран избран за нов претседател на Република Српска
Според прелиминарните резултати на Централната изборна комисија Синиша Каран освоил 50,54 насто од гласовите, а неговиот противкандидат Бранко Блануша 48,09 насто.
Обвинителството во Хаг побара по 45 години затвор за поранешните лидери на ОВК
Главната обвинителка Ким Вест му предложи на судот да ги осуди Хашим Тачи, Кадри Вејсели, Реџеп Селими и Јакуп Красниќи по сите 10 точки од обвинението, поради нивниот личен придонес во кривичните дела.
Киднапиран венецуелскиот опозициски лидер Хуан Пабло Гуанипа
Венецуелскиот опозициски лидер Хуан Пабло Гуанипа е киднапиран во Каракас околу полноќ по локално време, само неколку часа откако беше ослободен од затвор, објави опозициската лидерка и добитничка на Нобелова награда за мир, Марија Корина Мачадо.