Британското Министерство за одбрана (MoD) ги истражува тврдењата дека руски хакери украле стотици чувствителни воени документи и ги објавиле на дарк-веб.
Датотеките содржат информации за осум бази на Кралските воздухопловни сили и Кралската морнарица, како и имињата и е-адресите на персоналот на Министерството за одбрана, објави весникот Mail On Sunday.
Сајбер криминалците пристапиле до предммеморијата на датотеките со хакирање на компанијата за одржување и градежништво „Dodd Group“, објави весникот.
„Ние преземаме робусен и проактивен пристап кон кибернетичките закани што би можеле да претставуваат ризик за националните интереси“, изјави портпарол на Министерството за одбрана, пренесуваат британските медиуми
„Активно ги истражуваме тврдењата дека информации поврзани со Министерството за одбрана се објавени на дарк-веб. За да ги заштитиме чувствителните оперативни информации, нема да коментираме натаму за деталите“, додал портпарлот.
Протечените документи наводно содржат информации за голем број чувствителни бази на воздухопловните сили и морнарицата, вклучувајќи ја и „RAF Lakenheath“ во Сафолк, каде што се стационирани американските авиони „F-35“.
Хакирањето се случило по низа нарушувања на податоци во британското Министерство за одбрана.
Лични податоци за припадници на вооружените сили и ветераните, вклучувајќи имиња, банкарски податоци и некои адреси, се пронајдени во систем за исплата на плати до кој било пристапено за време на голем хакерски напад откриен минатата година. Тогаш беа погодени до 272.000 војници.
Истата година, владата тајно воспостави ткн Рута за одговор во Авганистан за луѓето во земјата чии податоци биле „по грешка“ ги објавиле функционери на одбраната во февруари 2022 година.
Слични новости
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше