Во дербито од 25. коло на грчкото фудбалско првенство, Олимпијакос на гости го совлада АЕК со гол 1:0 во судиското надополнување.
Тимот од Пиреја пред само неколку дена го декласираше АЕК во Купот пред своите гледачи со дури 6:0. Овојпат се играше во Атина, а гостите победија со 1:0, со победничкиот погодок на португалецот Чикињо.

Во врска со дербити, грчките медиуми јавуваат дека во неделата рано попладнето на автопатот Атина – Ламија кај Агиос Константинос дошло до судир меѓу навивачите на АЕК и ПАОК.
Најмалку четири лица се повредени, а жестоките судири предизвикале голема штета на продавницата и ресторанот пред кои дошло до конфликтот.
Сѐ започнало кога два автобуса со навивачи на ПАОК застанале пред ресторан. Малку подоцна на истото место застанал автобус со навивачи на АЕК од Трикала, по што настанала жестока пресметка.
Во претходниот натпревар ПАОК го совлада Астерас Триполис со 2:0 со головите на Таисон (24) и Мбвана Самата (51).
Панатинаикос во саботата со идентичен резултат го совлада Панаитоликос. Стрелци беа Карол Свидерски (34) и Азедин Онахи (79). За победничкиот тим поради повреда не настапи Тин Џедвај.
Волос и Арис ремизираа 1:1.
На табелата води Олимпијакос со 57 бодови, АЕК на второто место сега заостанува пет бода, трет е Панатинаикос со 49 бодови, додека ПАОК е четврти со 46 бодови.
Слични новости
ФИФА ќе разгледа еднократно проширување на 64 репрезентации за Светското првенство во 2030.
Светското фудбалско раководно тело ФИФА ќе ја разгледа можноста за проширување на Светското првенство во 2030 година на 64 селекции за да ја одбележи стогодишнината од спортскиот настан
Нејмар повикан во репрезентацијата по една година
Бразил го повика напаѓачот на Сантос Нејмар за квалификациите за Светското првенство овој месец против Колумбија и Аргентина по повеќе од една година, објави во четвртокот Бразилската фудбалска конфедерација
Тренерот на Лион Фонсека доби девет месеци суспензија
Тренерот на Лион, Пауло Фонсека, е дисквалификуван на девет месеци поради физички напад на судија на натпреварот од 24. коло од француското првенство против Брест (2:1), објави прес-службата на лигата.