Економијата на еврозоната стагнираше во четвртиот квартал од 2024 година, а активноста исто така попушти и на ниво на целата Европска унија, покажаа во четвртокот објавените прелиминарните проценки на Европскиот завод за статистика.
Економската активност во еврозоната се задржала и во четвртиот квартал, според сезонски прилагодените податоци, на нивото од претходните три месеца, кога беше зголемена за незначителни 0,4 отсто, пресметале статистичарите.
На ниво на ЕУ е зголемен за само 0,1 отсто во однос на летниот квартал кога, исто така, бележеше раст од нензачителни 0,4 отсто.
Прелиминарната проценка на бруто домашниот производ (БДП) се заснова на податоци од 19 земји-членки и „покрива“ 96 отсто од БДП-то на еврозоната и 94 отсто од БДП-то на Унијата, според Eurostat.
Извештајот, сепак, содржи податоци за само 12 земји-членки, меѓу кои Шпанија, Германија, Франција, Италија, Белгија, Естонија, Литванија, Унгарија, Австрија, Шведска, Португалија и Ирска. Податоците за Чешка се „доверливи“ до 31 јануари, според Eurostat.
Убедливо најсилен раст во периодот од октомври до декември, според податоците со кои располага Eurostat, има португалската економија која пораснала за 1,5 отсто во однос на претходните три месеци. Следуваат Литванија и Шпанија, каде што активноста е зголемена за 0,9 и 0,8 отсто, соодветно.
Унгарија, пак, излезе од рецесија, а активноста пораснаla за 0,5 отсто во однос на периодот од јули до септември.
Најслаб раст е забележан во Естонија од 0,1 отсто, а активноста стагнира во Италија и Австрија. Блиску до стагнација се и Германија и Франција, покажуваат податоците на Евростат, каде активноста се намалила за 0,2, односно 0,1 отсто.
Најголем пад е забележан во Ирска, од 1,3 отсто.
На годишна основа, економијата на еврозоната пораснала за 0,9 отсто во четвртиот квартал, како и во периодот од јули до септември. На ниво на ЕУ, растот благо забрза, од 1,0 на 1,1 отсто, покажуваат пресметките на Eurostat.
Така, активноста во двете области пораснала на крајот на 2024 година со најсилно темпо од почетокот на 2023 година, според податоците на Eurostat.
Три земји забележале пад на годишната активност во четвртиот квартал, покажуваат податоците што моментално ги поседува Европскиот завод за статистика.
Во најголемата европска економија, Германија, таа е намалена за 0,2 отсто во споредба со истиот период во 2023 година, а Австрија исто така забележа ист процентуален пад. Благ пад бележи и Естонија, за 0,1 отсто.
Убедливо најсилен годишен раст во четвртиот квартал забележа литванската економија од 3,6 отсто, а веднаш зад неа е Шпанија, со раст на активноста за 3,5 отсто. Следат Португалија и Ирска, каде што е зголемен за 2,7, односно 2,5 отсто, во однос на последните три месеци од 2023 година.
Слични новости
Цената на кафето арабика достигна сториски максимум на берзите
Цената на кафето од сортата арабика продолжува да расте осми ден со ред достигнувајќи го денеска својот историски максимум
Цената на нафтата се одржува под 76 долари
Цените на нафтата се стабилизираа во понеделникот на меѓународните пазари под 76 долари, откако САД и Мексико најавија разговори непосредно пред планираното воведување царини, намалувајќи ги стравувањата од прекини во снабдувањето
Трендафилов: Официјалната потрошувачка кошница е обид за минимизирање на ССМ и за незголемување на платите
ССМ ќе продолжи да ја пресметува минималната кошничка, а во креирањето официјална потрошувачка кошница што беше еден од заклучоците на денешната седница на Економско-социјалниот совет (ЕСС), гледа обид за минимизирање на синдикатите, како и обид за незголемување на платите (минималната и останатите плати).