Делегацијата предводена од претседателот на Собранието, Африм Гаши, во рамки на својата работна посета на Париз, денес оствари средба и со претседателот на Сенатот на Француската Република Жерар Ларше. На средбата присуствуваа и Седрик Перен, претседател на Комисијата за надворешни работи, одбрана и вооружените сили, г. Жан Франсоа Рапен, претседател на Комисијата за европски прашања, Марта де Сидрак, претседател на Групата за пријателство Франција- Западен Балкан и Арно Базен, заменик—претседател на Групата за пријателство Франција- Западен Балкан.
Претседателот Ларше, посакувајќи му топло добредојде на својот соговорник, потенцираше на историскиот момент, бидејќи ова е прв пат, од независноста, Сенатот да биде домаќин на Претседател на Собрание на Република Северна Македонија и дека нејзиното одржување е јасна порака за нашиот интерес да отпочнеме подиректна соработка на теми од взаемен интерес.
Јасно нагласи дека Сенатот го поддржува членството на земјата во ЕУ, како и средствата од европските фондови за унапредување на тој процес. Беа поздравени комплексните компромиси и реформски чекори од наша страна, како и нашата усогласеност со барањата на ЕУ и позициите на Заедничката надворешна и безбедноста политика.
Гаши, искажа особена благодарност за реализацијата на посетата и за придонесот на француските државници во градењето на нашата држава. Темелите на кои почива француската држава “слобода, еднаквост и братство” како основни цивилизациски вредности, треба да бидат подеднакво почитувани од сите и негирањето на истите не смее биде дозволено на светско ниво, но и во европски рамки.
Во однос на евроинтеграциите, беше истакнато дека одогловлекувањето на процесот за држава која прва ја потпишала Спогодбата за стабилизација и асоцијација од сите земји регионот, усложнувањето на пристапувањето со билатерални прашања значително го доведува во прашање кредибилитетот на ЕУ, ги зајакнува влијанијата од трети страни и ја намалува поддршката кај граѓаните за членство во Унијата. Апелираше за позасилен француски ангажман, со цел што поскоро отворање на првиот преговарачки кластер. Соговорниците беа согласни дека значително отсуствува соработката на економски план и степенот на француски инвестиции во земјата, со заложби за нивно зголемување во иднина. Истовремено, на парламентарно ниво, заеднички беше ставот дека соработката треба да се продлабочува на поле на европските прашања, за кои целосно на располагање стои Сенатот на Француската Република.
Слични новости
КСПС: Одливот на кадар во правосудството е алармантен, има уназадување во перформансот и бројот на решени предмети
Подобрување во јавноста и достапноста на податоци за судењата, но и уназадување во перформансот и бројот на решени предмети. Формална, но не и суштинска транспарентност во работата на Судскиот совет и Советот на јавни обвинители, како и значителен одлив на кадар од судството и јавното обвинителство, покажуваат извештаите на Коалиција „Сите за правично судење“ што беа презентирани на годишната конференција за презентација на анализите за 2024 година.
Домаќинствата од јануари ќе плаќаат за 0,92 отсто поскапа струја
Просечната цена на струјата за домаќинствата од 1 јануари 2025 ќе се зголеми за 0,92 проценти, објави денеска претседателот на Регулаторната комисија за енергетика Марко Бислимоски.
НБРМ: Каматните стапки на благајничките записи и на расположливите депозити се намалуваат за 0,25 п.п.
Оценето дека најновите услови во економијата овозможуваат да се продолжи со постепеното нормализирање на поставеноста на монетарната политика. Оттука, беше одлучено каматната стапка на благајничките записи да се намали за 0,25 п.п., на нивото од 5,55%.