Легендарниот холивудски глумец Џин Хекман и неговата сопруга Бетси Аракава починале од природни причини во рок од една недела, покажа истрагата на медицинските власти на Ново Мексико.
Хекман (95) починал во својот дом во Санта Фе од срцево заболување потпомогнато од Алцхајмеровата болест во напредна фаза, додека Аракава (65) починала од хентавирусен белодробен синдром, респираторно заболување предизвикано од изложеност на заразени глодари.
„Веруваме дека Аракава починала на 11 февруари и можеме да заклучиме дека Хекман починал на 18 февруари“, изјави Хедер Џарел, шефицата на канцеларијата за медицински истраги на Ново Мексико.
„Имајќи предвид дека Хекман имал напредна фаза на Алцхајмеровата болест, можно е дека тој не ни бил свесен дека неговата сопруга починала. Хекман имал и значајно срцево заболување и хронично висок крвен притисок и тоа веројатно ја предизвикало неговата смрт. Тој не јадел ништо во последните денови, но не се пронајдени знаци на дехидрација“, додаде Џарел.
Хекман, еден од најзначајните американски актери доби два оскара во кариерата долга повеќе од четири децении, во која забележа над 100 филмски улоги.
Слични новости
Стивен Најт креаторот на Пики Блајндерс сака филмот да има премиера во кино салите
На кастот што го предводат Килијан Марфи и Стивен Грахам, во филмот му се приклучија Тим Рот, Ребека Фергусон и Бари Кеоган.
Во САД стрелан првиот осуден на смрт по 15 години
Бред Сигмон кој беше осуден на смрт во американската сојузна држава јужна Каролина, стана првиот човек што е погубен во Америка со стрелање во последните 15 години.
Следната недела премиерата на „Црната торба“ шпионски трилер на Стивен Содерберг
Шпионскиот трилер „Црната торба“ на Стинен Содерберг во кој главните улоги ги толкуваат Мајкл Фасбиндер и Кејт Балншет ќе ја има светската премиера на 14 март.