Американскиот потпретседател ЏејДи Венс слета во петокот на Гренланд додека претседателот Доналд Трамп продолжува да инсистира Вашингтон да ја преземе контролата врз полуавтономната данска територија.
Посетата на американската воена база во Питуфик на северот на арктичкиот остров доаѓа само неколку часа откако во главниот град Нук беше претставена новата проширена владина коалиција, која засега сака да ги задржи врските со Данска. Новиот премиер рече дека посетата на Венс покажува „недостиг од почит“ и повика на единство во услови на „надворешен притисок“.
Данскиот крал објави изјава на социјалните мрежи во која вели: „Живееме во изменета реалност. Не треба да има сомнеж дека мојата љубов кон Гренланд и мојата врска со народот на Гренланд се недопрени“, пишува кралот Фредерик.
Во американската делегација се и сопругата на американскиот потрпеседател Уша Венс, советникот за национална безбедност Мајк Волц и министерот за енергетика Крис Рајт. Според првичната програма, сопругата на ЏејДи Венс и Волц требаше да присуствуваат на трката со санки со кучиња, иако европските медиуми наведуваат дека ниту гренландските, ниту данските власти не ги поканале, иако станува збор за настан од јавен и отворен карактер.
Поради јавните протести и гневните реакции од Гренланд и Данска, американската делегација едноставно одлета во воена база и нема да се сретне со јавноста.
Според договорот од 1951 година, претставниците на САД можат да ја посетат нивната база кога сакаат, под услов да го известат Гренланд или Копенхаген. Питуфик се наоѓа на најкратката рута од Европа до Северна Америка и е од клучно значење за американскиот систем за рано предупредување за балистички ракети.
Слични новости
Францускиот апелационен суд ќе донесе одлука за случајот Национален собир во летото 2026 година
Судот во Париз објави во вторникот дека досега се поднесени три жалби во случајот против крајно десната партија Национален собир (RN) поради кој на поранешната челничка Марин Ле Пен и е забрането политичко дејствување на пет годинилничка Марин Ле Пен и е забрането политичко дејствување на пет годи
Белата куќа потврди дека Трамп утре ќе ги воведе царините
Белата куќа во вторникот потврди дека претседателот Доналд Трамп ќе воведе нови царини во среда, иако не го откри обемот и силата на мерките што...
Светот во исчекување на „царините на Трамп“
Потегот, најавен за среда, еден од многуте во кои Трамп ги искористи своите претседателски овластувања, беше поттикнат од неговото инсистирање дека најголемата светска економија е „измамена од секоја земја во светот“