Обожавателите на серијата „Wednesday“ со нетрпение ја очекуваат втората сезона од серијата, а дополнителна возбуда донесе веста дека Лејди Гага ќе се приклучи на актерската екипа.
Иако нејзината улога се уште не е откриена, главната ѕвезда на серијата, Џена Ортега, не ја криеше возбудата поради можноста да соработува со Гага.
„Беше неверојатно, Гага е најдобрата. Таа дефинитивно е една од најталентираните луѓе со кои сум работела. Беше навистина посебно да се сподели сет со неа и Тим Бартон. Тоа се двајца луѓе кои навистина ги почитувам и кои ме инспирираа“, изјави Ортега.
Таа реши да ги сподели и своите впечатоци за личноста на Гага.
„Многу е слатка, љубезна и малку повлечена, што е невообичаено. Ми се допаѓа што никогаш не знаеш што да очекуваш од неа, но секогаш можеш да сметаш на нејзината добрина и дарежливост“, открива актерката.
Серијата „Wednesday“, спин-оф на култното „Семејство Адамс“, ја следи Среда Адамс додека се обидува да се вклопи во необичното средно училиште, да истражува мистериозни убиства и да се соочи со нејзините натприродни моќи. Првата сезона од серијата имаше огромен успех, а виралната танцова сцена на Среда Адамс дополнително го зацврсти нејзиниот статус.
Во втората сезона на серијата „Wednesday“, Кетрин Зета-Џонс се враќа како Мортиша, Луис Гузман како Гомез, Исак Ордонез како Пугсли, Ема Мајерс како Енид Синклер и Хантер Дохан како Тајлер Галпин, заедно со Џена Ортега.
Слични новости
Парамаунт сака да сними биопик за Евил Каневил со Леонадро ДиКаприо и Едријан Броди
Студиото Парамаунт се обидува да обезбеди врвен каст со оскаровците Леонардо ДиКаприо и Едријан Броди за биопикот што сака да го снима за моторџијата Евил Каневил
Шон Диди Комбс се соочува со нови обвинувања пред судењето во мај
Хип хоп пејачот Шон Диди Комбс се соочува со нови обвиненија во кои се наведува дека тој ги принудувал вработените да работат дополнителни работни часови под закана, како и дека принудил најмалку една вработена да се впушти во сексуални односи со него
ТВ рејтинзи: Обраќањето на Трамп во Конгресот го следеа 36,6 милиони гледачи
Ова е повеќе од последните три обраќања во Конгресот на неговиот претходник Џо Бајден, но е помалку од обраќањата на Трамп во Конгресот за време на неговиот прв претседателски мандат кои во просек ги гледаа44,3 милиони Американци.