Состанокот на американскиот претседател Доналд Трамп со советниците за национална безбедност за спогодбата со Иран е завршен по два часа, без да биде донесена одлука, изјави висок претставник на американската администрација за „Њујорк тајмс“.
Асошиејтед прес јави дека била разгледувана рамка на договор за продолжување на примирјето за 60 дена и покренување нови преговори со Иран за нукеарната програма, но Трамп сеуште не донел одлука за потпишување на прелиминарната спогодба со Иран.
Вашингтон смета дека договорот со Иран е блиску, но дека одредени прашања сеуште треба да се разгледаат, вклучувајќи го и одмрзнувањето на иранските средства во странство.
Пред состанокот американскиот претседател Трамп порача дека Иран „мора да се согласи дека никјогаш нема да има нуклеарно оружје и дека Ормутскиот теснец мора да биде отворен веднаш, без патарини, за неограничен сообраќај во двата правци“.
Слични новости
Иран го отфрли американскиот предлог за 48-часовно примирје
Иран го отфрли американскиот предлог за 48-часовен прекин на огнот, а преговорите меѓу двете страни, кои требаше да се одржат во Пакистан, дојдоа во целосен ќорсокак.
Потрага по исчезнатиот американски војник по соборен авион во Иран
Американските и иранските сили трагаат по исчезнат член на екипажот на американски борбен авион „F-15E“, кој беше соборен во јужен Иран. Според извештаите, пилотот е спасен, додека офицерот за вооружување сè уште се води како исчезнат, а неговата судбина останува непозната.
Калас: Трамп намерно го ослабнува НАТО
Таа рече дека критиките врз НАТО не се новина во настапите на американскиот претседател, но сега во контекст на зголемени трошоци за одбрана на европските земји, тие стануваат се почести и се помалку втемелени.