Состанокот на американскиот претседател Доналд Трамп со советниците за национална безбедност за спогодбата со Иран е завршен по два часа, без да биде донесена одлука, изјави висок претставник на американската администрација за „Њујорк тајмс“.
Асошиејтед прес јави дека била разгледувана рамка на договор за продолжување на примирјето за 60 дена и покренување нови преговори со Иран за нукеарната програма, но Трамп сеуште не донел одлука за потпишување на прелиминарната спогодба со Иран.
Вашингтон смета дека договорот со Иран е блиску, но дека одредени прашања сеуште треба да се разгледаат, вклучувајќи го и одмрзнувањето на иранските средства во странство.
Пред состанокот американскиот претседател Трамп порача дека Иран „мора да се согласи дека никјогаш нема да има нуклеарно оружје и дека Ормутскиот теснец мора да биде отворен веднаш, без патарини, за неограничен сообраќај во двата правци“.
Слични новости
Иран одговори на ноќните удари на Пентагон и се закани со уште побрутална одмазда
Иранскиот корпус на исламската револуционерна гарда соопшти денеска дека извршил напад врз американска воздухополовна база, по американскиот напад во близина на аеродромот Бандар Абас во Иран.
Нови американски напади врз Иран
САД извршија нови воздушни напади врз воена локација во иранскиот град Бандар Абас, стратешко пристаниште во близина на Ормутскиот Теснец.
Според американската Централна команда, целта била уништена непосредно пред да биде лансиран дрон, а американските сили собориле уште четири ирански беспилотни летала кои претставувале закана во регионот.
Израел го ликвидирал новиот шеф на военото крило на Хамас
Израелските власти соопштија дека во воздушен напад во градот Газа е убиен новиот командант на вооруженото крило на Хамас, Мохамед Одех.Според изјави од кабинетот на премиерот Бенјамин Нетанјаху, нападот се случил неколку дена по ликвидацијата на неговиот претходник.