Администрацијата на Трамп би можела целосно да ја прекине помошта за Украина, изјави извор од неговата администрација за „Њујорк тајмс“, кој наведува дека администрацијата на Бајден сметала дека е клучна воената помош за Киев од 67 милијарди долари, што Трамп ја гледа како средство за притисок.
По расправија во Овалната соба на Белата куќа, неименуван претставник на американската администрација изјави за NYT дека Трамп може да одлучи да ја прекине дури и индиректната помош за Украина. Ова вклучува други форми на воено финансирање, споделување разузнавачки информации, обука на украински војници и пилоти и формирање на меѓународен центар за управување со помош во американската воена база во Германија.
Официјален претставник на администрацијата на Трамп рече дека целата американска помош за Украина – вклучително и неодамнешните испораки на муниција и опрема што беа одобрени и платени за време на администрацијата на Бајден – наскоро може да биде суспендирана.
Според Килскиот институт, европските земји досега издвоиле 138 милијарди долари за украинските воени операции, додека американската воена и хуманитарна помош изнесувала 119 милијарди долари, наведува NYT.
Американскиот претседател Доналд Трамп, по судирот со украинскиот претседател Володимир Зеленски во Белата куќа, изјави дека Зеленски „покажал непочитување“ кон Соединетите држави и дека „не е подготвен за мир“.
За време на состанокот во Белата куќа, кој се пренесуваше во живо, Зеленски се судри со Трамп и американскиот потпретседател Џеј Ди Венс за војната во Украина.
Слични новости
На самитот на Г7 нема да разговара за американското „преземање“ на Канада, вели Рубио
Американскиот државен секретар Марко Рубио во средата изјави дека на состанокот на министрите за надворешни работи на земјите од групата Г7, планиран да се одржи во четврток во Канада, нема да се разговара за „преземањето на Канада“ од страна на САД, како што повеќепати споменуваше американскиот претседател Доналд Трамп
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада