Њујорк Никс утринава го победи тимот на Чикаго Булс со 128:116, прекинувајќи ја низата од три порази по ред, и нанесувајќи им го првиот пораз во сезоната на Чикаго. Њујорк постигна најмногу кошеви оваа сезона, а беше предводен од Џејлен Брансон кој даде 31 кош. Центарот Карл Ентони Таунс имаше 20 коша и 15 скокови.
Клучен за победата на Њујорк се покажа и придонесот на играчите од клупата на Никси кои постигнаа 46 коша, наспроти просекот од 18 во последните три меча. Чикаго Булс влегоа во натпреваот и како тим кој најдобро брани шутеви за тројка, но Никси им уфрлија дури 20 од кои 13 во првото полувреме.
Кај Чикаго Џош Гиди имаше трипл дабл со 23 коша 12 скока и 12 асистенции, а Никола Вучевиќ постигна 17 поени со 12 скокови.
Слични новости
НБА: По четири врзани порази на домашен терен Денвер победи на гости кај Индијана
Блескава партија во тимот на Денвер имаше Џамал Мари кој постигна 52 коша. Мари постигна 10 тројки од 11 обиди со процент на шут за три поени од 91 насто
Јанис Адетокумбо повторно се повреди, но останува во Милвоки
Грчкиот крилен центар на теренот мина само три минути по што го истегна мускулот на десната потколеница и беше упатен во болница на снимање. Тренерот на Милвоки Док Риверс изјави дека магнетната резонанца потврдила дека е исклучена повреда на ахиловата тетива.
Киксови на Ливерпул и Челси
Ливерпул никако да излезе од кризата. Вечерва на нивниот Енфилд одиграа само 1:1 со Сандерленд и се подалеку се од борбата за одбрана на титулата, затоа што водечкиот Арсенал им се одлепи на цели 11 бодови предност.