Српскиот напаѓач Душан Влаховиќ (25) ова лето најверојатно ќе го напушти Јувентус и би можел да ја продолжи кариерата во Премиер лигата, објавија британските медиуми.
Со доаѓањето на Рандал Коло Муани во Јувентус во зимскиот преоден рок на позајмица до крајот на сезоната, Влаховиќ се најде на резервната клупа и добива минутажа на браздичка иако е најдобар стрелец на Јуве со 14 гола. Со оглед на тоа што тој одби да го продолжи договорот, „Старата дама“ се најде во незавидна позиција, што значи дека летово ќе мора да го продадат бидејќи договорот му истекува во јуни 2026 година, а тогаш може да си замине без обештетување. За Јувентус има уште една отежнувачка околност, договорот му гарантира плата од 19 милиони евра следната сезона.
Влаховиќ пристигна во Јувентус во јануари 2022 година од Фиорентина за 83 милиони евра. Но, сега за Јувентус секоја понуда вредна околу 30 милиони евра би била како добивка на лотарија. За српскиот центарфор се заинтересирани Манчестер Јунајтед, Арсенал, Астон Вила, Тотенхем, Њукасл, Челзи, Вест Хем, но британските медиуми оценуваат дека „црвените ѓаволи“ ќе бидат најупорниот додворувач ова лето.
Слични новости
Арсенал се откажа од борбата за титулата
Тренерот на Арсенал Микел Артета кој на вчерашниот напревар со Манчестер Јунајтед по 200 пат водеше екипа во Премиер лигата, нема големи причини за прослава на јубилејот, откако стана јасно дека Арсенал уште една сезона нема да може да стигне до титулата.
Клиперси го победија Сакраменто по продолженија 111:110
Кошаркарите на ЛА Клиперс утринава на свој терен по продолженија го победија Сакраменто со резултат 111:110. Најефикасни во екипата на Клиперс беа Џејмс Хардen со 29 коша и 11 асистенции, а Ивица Зубац постигна 22 коша и 14 скокови.
Најтежок домашен пораз на Јуве по шест децении
Аталанта му го нанесе најтешкиот пораз на Јувентус на домашен терен во последните 60 години. Во дербито од 28. коло на италијанското фудбалско првенство, Аталанта го понижи Јувентус со 4:0 во Торино, остварувајќи ја првата победа на последните девет меѓусебни средби