Лучиано Спалети го продолжи договорот со Јувентус и ќе го предводи клубот од Торино до јуни 2028. Спалети го презеде Јувентус од Игор Тудор за време на оваа сезона, го стабилизираше тимот и управата на Јувентус смета дека тој е човекот кој ќе го врати Јувентус во врвот на италијанскиот фудбал.
Според новиот договор Спалети ќе има плата од 5 милиони евра годишно, со опција во втората година од договорот да зема плата од 6 милиони евра, доколку успее да ги реализира бонусите.
Најплатен тренер во Серија А е Антонио Конте кој во Наполи има плата од 8 милиони евра годишно, а Спалети, Гасперини од Рома и Алегри од Милан имаат плата од 5 милиони евра годишно.
Слични новости
Интер сака да го продолжи договорот со Барела, пред да им го земе некој клуб од Премиер лигата
Барела има договор со клубот од Милано кој истекува летото 2029, а Интер влезе во преговори за продолжување на договорот до 2031 и подобрување на условите за Барела.
Арсенал, Спортинг, Реал Мадрид и ПСЖ први четвртфиналисти во ЛШ
Најголемо изненадување направи Спортинг од Лисабон кој ја надомести разликата од 3 гола од гостувањето во Боде. Во регуларниот тек од натпреварот Спортинг победи со 3:0, а со два гола во продолженијата вда пати по 15 минути се пласираше во четвртфиналето со победа од 5:0.
Африканската фудбалска федерација му ја одзеде титулата африкански шампион на Сенегал и ја додели на Мароко
Во Сенегал титулата се прославуваше три дена и три ноќи, но Мароко се жалеше и бараше натпреварот да биде службено регистриран со 3:0 за Мароко, а Судот за жалби донесе таква одлука и направи историски преседан.


