Патот на Република Северна Македонија кон Европската Унија не оди преку ултиматуми и ветувања, потребен е искрен дијалог. Ова го изјавила бугарската претседателка Илијана Јотова коментирајќи го барањето испратено од македонските власти со кое се бара билатерална средба.
Јотова за бугарските медиуми изјавила и дека е умерен оптимист и дека ќе побара од шефицата на бугарската дипломатија Петрова-Чамова да ѝ го даде на увид барањето за средба во Софија.
За овој разговор да биде сериозен, Мицкоски мора многу добро да ја прочита европската политика во врска со проширувањето на Република Северна Македонија и да заборави дека ова е билатерално прашање, како што тој се обидува да го претстави.
Ние секогаш сме биле отворени за разговори со нив, но разговори без ултиматуми и без отстапки од европската политика. Бугарија е дел од Европската Унија и не можеме да дозволиме земја која тргнала по европскиот пат да не ги прифаќа вредностите и доблестите на Европската Унија, а уште помалку да зборува со тон на ултиматум, но да останеме умерени оптимисти“ порача Јотова.
Минатата недела, за време на посетата на претседателката на Европската комисија Урсула фон дер Лајен на Скопје, премиерот Христијан Мицкоски изјави дека ќе иницира билатерална средба со Софија, на совет на фон дер Лајен.
Слични новости
Урсула фон дер Лајен започнува тридневна турнеја низ Западен Балкан
Првата станица од нејзината посета е Албанија, каде што пристигнува денеска. Во петок на 2 октомври, шефицата на Европската комисија ќе ја посети Македонија, а предходно е во Косово, Црна Гора. Овој пат, Србија и Босна и Херцеговина не се вклучени во планот на посетата.
СДСМ: Во тек е голема пљачка на Македонија
СДСМ тврди дека „арамијата Мицкоски ја распродава Македонија и ја претвора во депонија за туѓи бизнис интереси“. Во тек е голема пљачка на Македонија!“ рече денеска на прес-конференција портпаролката на СДСМ, Богданка Кузеска.
ВМРО ДПМНЕ : На Филипче цел свет му е виновен, никако да разбере дека СДСМ се распаѓа поради него
Никој не му е виновен на Филипче што СДСМ се распаѓа. На ВМРО ДПМНЕ му оговара ваков СДСМ со него на чело, се вели во соопштението на владејачката партија.