Патот на Република Северна Македонија кон Европската Унија не оди преку ултиматуми и ветувања, потребен е искрен дијалог. Ова го изјавила бугарската претседателка Илијана Јотова коментирајќи го барањето испратено од македонските власти со кое се бара билатерална средба.
Јотова за бугарските медиуми изјавила и дека е умерен оптимист и дека ќе побара од шефицата на бугарската дипломатија Петрова-Чамова да ѝ го даде на увид барањето за средба во Софија.
За овој разговор да биде сериозен, Мицкоски мора многу добро да ја прочита европската политика во врска со проширувањето на Република Северна Македонија и да заборави дека ова е билатерално прашање, како што тој се обидува да го претстави.
Ние секогаш сме биле отворени за разговори со нив, но разговори без ултиматуми и без отстапки од европската политика. Бугарија е дел од Европската Унија и не можеме да дозволиме земја која тргнала по европскиот пат да не ги прифаќа вредностите и доблестите на Европската Унија, а уште помалку да зборува со тон на ултиматум, но да останеме умерени оптимисти“ порача Јотова.
Минатата недела, за време на посетата на претседателката на Европската комисија Урсула фон дер Лајен на Скопје, премиерот Христијан Мицкоски изјави дека ќе иницира билатерална средба со Софија, на совет на фон дер Лајен.
Слични новости
Мултифондови за похрабро инвестирање и повисоки приноси наместо укинување на вториот пензиски столб
Парите од вториот пензиски столб не се оплодуваат доволно, но решението не е во укинување на вториот столб, туку во негова реконструкција. Пензиските друштва го гледаат решението во законски измени кои ќе овозможат похрабро, но и поризично инвестирање на пензиските заштеди, кои ќе носат и повисоки приноси.
Владата го намали ДДВ-то за дизелот од 18 на 10 проценти – повластената стапка од вечерва по полноќ до полноќ на 28 септември
Владата го намалува ДДВ-то за дизелот од 18 на 10 отсто. Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за Еуросупер БС-95, односно 102,5 денари за литар Еуросупер БС-98.
Притворот за обвинетите од дискотеката Пулс истекува на 3-ти октомври
Според законот, обвинет може да биде задржан во притвор максимум една година од оценката на обвинението. За „Пулс“ тоа е 3 октомври, кога му истекува ефективниот притвор на Дејан Јованов.