Јорданскиот крал Абдула Втори изјави во вторникот дека ги повторил ставовите на својата земја против раселувањето на Палестинците од нивните енклави Појасот Газа и на окупираниот Западен брег во текот на состанокот со американскиот претседател Доналд Трамп во Вашингтон, се наведува во објавата на платформата Х.
„Постигнувањето праведен мир врз основа на решението со две држави е начин да се обезбеди регионалната стабилност. Тоа бара водство на Соединетите држави. Претседателот Трамп е човек на мирот. Беше клучен во обезбедувањето на примирјето во Газа. Очекуваме од САД и од сите учесници да обезбедат тоа да се одржи“, објави јорданскиот монарх.
Американскиот претседател Доналд Трамп во вторникот во текот на средбата со Абдула Втори го повтори својот план САД го преземат Појасот Газа, откако претходно најави дека на оние Палестинци кои би ја напуштиле енклавата не би им било овозможено да се вратат по реконструкцијата, а целиот негов план жестоко е критикуван од арапските сојузници на Вашингтон, па и од најголемиот Јордан.
Набрзо откако кралот и неговиот син пристигнаа во Белата куќа, Трамп за новинарите во Овалната соба изјави дека не е откажува од својот план за американско преземање на Газа, преселување на тамошното население и трансформација на разорената територија.
„Ние ќе го преземеме (Појасот Газа). Ќе го држиме, ќе го чуваме. Со текот на времето ќе го покренеме, ќе создадеме многу работни места за луѓето од Блискиот исток“, додаде американскиот претседател истакнувајќи дека неговиот план „ќе донесе мир“ во регионот.
Се закани дека ќе го разгледа евентуалното укинување помош на Јордан, каде САД имаат многу важна воена база, доколку Аманн одбие да прими палестински бегалци.
Слични новости
Трамп најави разговор со Путин во вторник
Американскиот претседател Доналд Трамп најави дека во вторник ќе разговара со рускиот претседател Владимир Путин за можниот крај на тригодишната војна во Украина, по позитивниот исход од разговорите меѓу американските и руските претставници во Москва
Студентите на УКИМ неделава ќе организираат собири за жртвите во пожарот, од Ректоратот имаат дозвола за прекин на наставата
Студентите и професорите на Скопскиот универзитет денеска и во текот на целата недела ќе присуствуваат на организирани собири – Заеднички час, што точно напладне ќе се одржуваат на различни кампуси на УКИМ, за да изразат почит на жртвите во пожарот на концертот во Кочани и поддршка на нивните семејства. Првиот заеднички час е денеска од 12 часот на кампусот на факултетите од општествените науки
Поведена постапка против 11 лица, за 8 веќе е поднесен предлог за краткотраен притвор
Обвинителството во понеделникот доцна вечерта соопшти дека се поведува постапка на проверки за вкупно 11 лица во врска со трагичната несреќа што се случи во дискотека во Кочани. Од нив, за осум лица веќе е поднесен предлог за краткотраен притвор, а за останатите тројца кои се хоспитализирани и во потешка здравствена состојба, постапката ќе продолжи дополнително