Јокиќ испиша историја на НБА и го претекна Карим Абдул Џабар на листата на центри со најмногу асистенции

Утринава во Денвер беше испишана нова историја во НБА лигата со асистенцијата на Никола Јокиќ до Џејлен Пикет која беше негова 5661-ва во кариерата со што го претекна легендарниот Карим Абдул Џабар и стана центар со најмногу асистенции во историјата на НБА лигата.

Кариерата на Џабар траеше двојно повеќе од онаа на Јокиќ, па се претпоставува дека Јокиќ ќе стаса до недостижен рекорд во број на асистенции за центар.

Лидерот на Нагетси Никола Јокиќ утринава го предводеше својот тим до шеста победа во низа против Орландо со нов трипл-дабл 23 коша, 13 асистенции и 11 скокови.

Најефикасен во победата на Денвер беше Џамал мари со 32 коша, од кои 20 во втората четвртина кога Денвер направи недостижна предност.