Првиот финалист на овогодинешниот турнир Австралија опен е германскиот тенисер Александер Зверев, комју по првиот сет поради повреда полуфиналниот меч му го предаде српскиот играч Новак Ѓоковиќ.
Зверев во финалето ќе игра против победникот од мечот меѓу бранителот на титулата, Италијанецот Јаник Синер и Американецот Бен Шелтон подоцна во петокот.
Првиот сет, кој Зверев го доби во тај-брејк против Ѓоковиќ, траеше час и 21 минута. Откако Зверев не успеа да искористи ниту една од своите пет брејк топки, а Ѓоковиќ имаше три неискористени, германскиот тенисер победи во тај-брејкот со 7-5. Веднаш потоа Ѓоковиќ тргна кон мрежата и го предаде мечот.
„Воопшто не тренирав по мечот со Алкараз. Првпат ја удрив топката на еден час пред полуфиналниот натпревар против Зверев. Се обидов да направам сѐ за да бидам подготвен, но на крајот од првиот сет болките почнаа да се влошуваат. Овојпат не можев да се снајдам. Да го добиев првиот сет, можеби ќе се обидов да се борам уште некое време. Во секој случај, несреќен крај“, изјави Ѓоковиќ.
Ова го остави Ѓоковиќ на десет победи на Австралија опен во кариерата, а овојпат фаталната повреда на мускулот на ногата беше причина да побара лекарска помош на крајот од првиот сет од четвртфиналниот меч против Шпанецот Карлос Алкараз. Ѓоковиќ на крајот го доби тој меч во четири сета, но не отиде подалеку од тоа.
Зверев во кариерата сѐ уште ја чека првата титула на еден од четирите Грен слем турнири. Двапати играше во финалето и двата пати загуби, во 2020 година на УС Опен од Австриецот Доминик Тием, додека минатата година беше поразен на Ролан Гарос од Шпанецот Карлос Алкараз.
Слични новости
Насер Џига замина од Ѕвезда во Вулверхемптон
Досегашниот фудбалер на Црвена Ѕвезда Насер Џига потпиша договор со Вулверхемптон до 2030, соопшти англискиот клуб.
НБА: Уште еден „трипл-дабл“ на Јокиќ во победата на Денвер
Никола Јокиќ додаде уште еден 23-ти „трипл-дабл“ сезонава со 27 поени, 14 скока и 10 асистенции.
Фокс разменет во Спарс, ЛаВин оди во Кингс
Голема размена се случи во американската професионална кошаркарска НБА лига, во која учествуваа три клуба, а беа разменети седум играчи и уште седум избори на драфтот, а најголемото име што го промени клубот беше „Ол-стар“ бекот Де’Арон Фокс, кој премина од Сакраменто Кингс во Сан Антонио Спарс