Ѓоковиќ го откажа настапот во Париз

„Драг Паризе, за жал, нема да се натпреварувам на @RolexPMasters оваа година. Имам прекрасни спомени и големи успеси во текот на годините поврзани со овој турнир, особено затоа што ја освоив титулата седум пати. Се надевам дека ќе се видиме следната година“, објави 38-годишниот Ѓоковиќ, моментално петторангираниот тенисер во светот.

Иако ја освои последната од своите 24 титули на Гренд слем во 2023 година, Ѓоковиќ рече дека не размислува за пензионирање, а како инспирација за продолжување на кариерата, ги наведе великаните како што се кошаркарот Леброн Џејмс, играчот на американски фудбал Том Брејди и фудбалерот Кристијано Роналдо, сите успешни и по 40-годишна возраст.