Шпанецот Хорхе Мартин од тимот на Прамак Дукати е новиот светски шампион во мотоцикли во Мото ГП класата, откако на последната трка сезонава во Барселона заврши трет, што беше доволно за одбрана на првата позиција.
Барселона се вклучи како домаќин откако трката во Валенсија беше откажано поради последиците од неодамнешните поплави.
Мартин во Барселона пристигна со 24 поени повеќе од бранителот на титулата Италијанец Франческо Бањаи. Сепак, со саботното славје во спринтот, Италијанецот ја намали разликата на 19 поени во пресрет на последната етапа од сезоната.
Шпанецот и натаму беше голем фаворит за освојување на титулата, бидејќи му беше доволно да заврши меѓу деветте првопласирани за севкупен триумф.
На крајот беше трет, што беше доволно за големо славје. На Италијанецот не му помогна ниту тоа што беспрекорно си ја заврши работата. Најдобрата стартна позиција ја претвори во водство и без проблеми победи, но на крајот мораше да му честита на новиот шампион.
На крајот победи Мартин со 508 поени, втор беше Багнаја со 498 поени, додека трет беше Шпанецот Марк Маркез со 392 поени.
Слични новости
Премиер лига: Челзи од 0:2 до победа против Тотенхем
Челзи ја надмина негативата од 2:0 од 11. минута од натпреварот против Тотенхем и победи со 4:3 во 15. коло од англиската Премиер лига на гостински терен во Северен Лондон
Недела од соништата за браќата Еспозито
Речиси во исто време, тројцата браќа Еспозито постигнаа вкупно пет гола на два натпревара во италијанските лиги Серија А и Б, носејќи им победи на своите тимови
ЛА Галакси ја освои американската МЛС лига
Фудбалерите на Лос Анџелес Галакси по шести пат ја освоија шампионската титула во МЛС, тие го победија Њујорк Ред Булс со 2:1 (2:1) во финалето одиграно на домашен терен во Карсон